مسجات شعريه

موضوع: مسجات شعريه الإثنين يناير 28, 2008 4:21 am

عسى ربي يخليك [ لعيوني ]
وعسى يخليني لعيونك ..
حبيبي دنيتك صعبه بدوني
ولأشيء دنيتي تسوى [ بدونك ]

~ لا تعذر ب أحتياجك ..
كلنا ناقص حنان }
{ كلنا طفل تمنى
اي شخص يحضنه ْ~
نبني الدنيا وحنا
نوقف ب نفس المكان ..

الى متى ببقى تحت رحمة عيونك
ل أجل عينك كم تحملت أنسى غلطاتك ..~ وأصونك ~
لا تعذر لأ تجيني .. ذبلت ورودك في عيني
مثل ماضاعت حياتي وكل احلامي في ~ يدينك ..

دقيقه من دقايق هالمكان
تسوى مية عام ..
هنا ساعاتنا ما تلحق ثوانينا ....
هنا ياما تعاهدنا ..
هنا ياما غدينا / اخصام ..
هنا ياما تعاتبنا ..
هنا ياما تراضينا ...
هنا كنا .. نصيح ..
وتحتوي صيحاتنا الانسام ..
لطيفه كنها لامن تجادلنا .. تهدينا..

تدري..
ان الجرح للمجروح {دين} ..
وانت جارحني وحقك اجرحك..
وين تبعد وانت في نفسك {سجين}..
وين تنسى وانت ناسيني معك..
كيف تفرح وانت تاركني {حزين}..
جرحك مثل ظلك يتبعك..

دورت لك في وسط قلبي مكانه
يوم الغلا ماله مساحات وحدود
يوم الغلا يفرض علينا كيانه
أنت الأمل لو دربه اليوم مسدود

أنا كتبت الحب وأعليت شانه
حتى ولو قابلني الحظ بصدود
العهد خطيته وعندك ضمانه
يبقى الوفاء والعهد بالفعل موجود

اغليك من قلبِ يعاند زمانه
ما ينتهي عمر الغلا دوم موعود
يا شمس عمري يا دفاه وآمانه
يا أغلا الملا فيك الغلا دايم يزود ..

ياشوق ياخذني لك الشوق ياشوق
وانتي معي من كثر ما احبك اشتاق
غلاك ما وصله من الناس مخلوق
يا فرحه الخافق وصدري الي ضاق..

ابجمع مابقى مني لحبك والزمان إن طال
يذكرك الحروف اللي بوصفك كيف صاغنك
ابا.. الضيقه على صدرك تحن وتعلن الترحال
وأحس اني من ضلوعك قريب وارتوي منك..

هلا يامن ملك سحر العيون ورمشها الفتان
على خدن توهج في سناه وتلمع ابروقه
هلا يا بنت ويش اقول تقصر دونك القيفان
يتيه الوصف من دونك وقدرك يعتلي فوقه
يابنت اللي كتبته من شعر نابع من الوجدان
عزيزه وانتي افضل واحده للمدح مخلوقه..

ياحظ عين شافت اليوم غالي
يابختها ياسعدها في نظرها
اروي ظما روح عليله ليالي
تبغى نظرها في قمرها قدرها
يابنت

احبها واحب كل ماجرالي
وأحب فيها ماتصدق هجرها
في خاطري حسره وميّة سؤالي
ليه الجفا جزى الوفا ياعمرها

حبيبي بعد كل الغلا والوفا يحًول
تغيرت يارمز الغلا والزمن قاسي
تعديت في حد الجفا حدك المعقول
وانا اقول عنك بداخلي للهوى راسي
تملكت وجداني خطا بهرجك المعسول
وعلى صدق حبي قلت لك يابعد راسي

لا تخون قلبي ولا تنوي الا سواه
ولا تظن اخونك والعهد اكبر وفايه
هذا فوادي وان بغيته ما اباه
يفداك خلي والعمر لحظه سنايه
خليني اعشق خافقك واطلب رضاه
وخليني اشره والمحبه هي دوايه

تفداك روحي والعمر فاني تراه
وماغير شوفك يالغلا غاية حشايه
يا طير حراً منفرد باحلى صفاه
يا عين ظبياً ان ذبحني والله برايه
تخيلت مشيك هو مشي طير القطاه
وتخيلت شعري يوصفك بس ما كفايه

هايم بحبك غريمك وربي عطاه
فالقلب خلاً يصدقه بوافي وفايه
ان كان يزعل فالزعل وارد معاه
بس قلبه انظف من لميع المرايه
ويا شوق روحي يتعب الخافق عناه
افهم مقالي يا حبيبي يا منايه

من قال بعد الدار ينيسك الاحباب
ومن صد عن عينك مع الوقت تنساه
قله يقول اللي تغربل وهو شاب
باسباب طفلٍ عذب القلب واشقاه
ماينسى حب الحبيب ولو غاب
ولاتنطفي نار المحبه بفرقاه

لا يابعد كل القرايب والاجناب
ما انساك دام الدم يجري بمجراه
واعاهدك بالله ياضاف الاهداب
عهدٍ تعاهدناه والشاهد الله

عهد المحبه ماهي عهود كتاب
بنوده الاشواق والحب معناه
ولاني بمن ينسى مواثيق الاحباب
ولو طالت الفرقا فلا والله انساه

صحيح حالف في غلاتك مخليك
طول العمر وياك حب وسعادة
ان غبت ساعة من عيوني احاتيك
لا شك قلبي ما يتحمل بعادة

وين انت ياللي .. تذبح القلب بالشوق
العقل من بعد ( اللقاء ) منك ما فاق
ليتك تحس بواقعي بس .. وتذوق
من كاسك اللي منه ( نشفن ) الارياق

دنياي من دونك ترى مالها ( ذوق )
خليتني عايش على ( حد ) الارهاق
إليا متى .. ببقى اطالبك بحقوق
متشوف كل الكون .. في غيبتك ضاق!!

لو تطلب اسنين العمر .. جاتلك سوق
والروح لجلك ياهوى البال .. تنساق
في عيني اكبر .. من ( غلا ) كل معشوق
مثلي لحبك ماعتقد ( مر ) عشاق

على لحظة أمل صابر ولكن الأ مل ماكان
مات الحلم في قلبي وضاعت كل عناويني
رسمت البسمه ابعيني ولاكن دمعها خوان
بكيت وسالت الدمعه وحزينه صارت اسنيني
انا والياس والحيره تخاوينا وصرنا اخوان
اخاف أموت من همي ولوعاتي تخاويني

بذرت الحب في قلبٍ عسى ينبت وله واشواق
أتاري بذرتي ماتت قبل لا تحضن ترابه
عطيته كل ما عندي وجازاني العطى بفراق
محى ذكري من لسانه غرس في قلبي انيابه
كأني ما عطيته يوم من حبي وهو ما ذاق
حلاوة قلبي الموهوم في حبه وترحابه

عجيبة كيف هالدنيا تعكر صفوة المشتاق
بعد ما كان في فرحة طرق ريح الحزن بابه
زمن قاسي على شخص ٍ غفا لحظه ولما فاق
لقى نفسه مع نفسه مابين حروفه وكتابه
يناجيها ويسامرها .. ويشكي همه للأوراق
لانه يدري الأوراق ما تزعل لاعتابه

لاتحسبني يوم انا اطريك مغليك
يمكن مع سير السوالف طريتك
العام تنساني وانا اليوم ناسيك
كلك على بعضك تراني نسيتك
ماني على رجواك يازين ناصيك
اموت في عزي وانا مارجيتك

أحبك ليه ؟ لاتسأل ولكن
اسأل الاقدار !
أنا مثلك ترى ماادري انا
شلون حبيتك ؟؟
هويتك من وسط ماضي
ومستقبل وناس كثار !
صبرت وزاد حبي لك
ولا في يوم ملّيتك .

شريت اللي بحبه مشتريني
وهبته كل تملك يديني
عشقته وصار أغلى من حياتي
كريم النفس وبحبه حواني
تملك قلبي بحبه وطيبه
نصبيبي صار وأنا من نصيبه
أحبه وما أريد إنسان ثاني
عساني ما خلا منّه عساني

يا حبيبي عسى ربي يخليك
ارفق بقلبي وارحمه يا حياتي
ارحم غريق في غرامك يراعيك
بعدك عذاب وشوف زولك غناتي
بين العرب لساني دووم يطريك
وماظن ينسى من يسوي سواتي
متعلق قلبي يودك ويغليك
وعسى غلاكم ما يسبب وفاتي

والله بدونك كل حياتي ولا "شي"!
وش عاد بعت النااس يكفي "شريتك"!
دامك تساوي "بالغلا" ذي .. مع .. ذي!
لبيه .. اّمر .. سم .. أبشر ..
"عطيتك"!
اللي تبي وإن جيت أبي
"حاجتن لي"!
مابي سوى كلمة
"أحبك"فديتك"!!

ودي أشوفك أحسن الناس بعيوني
ودي الزمن ينسيني همومي ،
ليتك تنامين في جفوني
وتبقين أميرة الحب بأحلامي ،
من غيرك يواسي شجوني ؟
من غيرك عاش أيامي ؟
حبيبتي كل البشر عليك يحسدوني
بنظرة عيونهم يقتلوني ..

زادت سهام البعد
في قلبي طعون
وأبطيت من سهم الغلا
ماتشافيت
(كلك حلا)
(كلك غلا)
(كلك فنون)
حبي لكم (دولة)
وقلبي لكم (بيت)
أن جيت بك
مجنون
وأن رحت بك
مجنون
يعني أنا في الحالتين..
أستجنيت!!

مالوم قلبي لحظه لو تمناك.
وماني بنادم لو ذبحني حنيني .
ان شفت طيفك أوهم النفس رؤياك.
وأمد لك من زود فرحي يديني.
وأحضن سرابك لاغدى صعب لقياك.
وأصرخ على دنياي صوبه خذيني.

" فتحت رسالتك و هز الروح تعبيرك ...
روح من الحب و الحرمان تعبانه ...
اعجبني اسلوبك و شرحك و تبريرك ...
و كلماتك اللي من التهذيب مليانه ...
اخذت قلبي معك يتبع مشاويرك ...
ارجووك لا تهجره و تزود احزانه ... "

" يهون طول البعد ما دمت سالم ....
و مهما بعدنا ندا صوتك يرجعنا ...
تسرح طيوفك في عالمي الحالم ...
و تصحى الحقايق في غيابك تلوعنا ...
ولا زلت اعغلى الناس و الله العالم ...
ولا زلت ادعي ربي انه يجمعنا ...

كأنك لقيت اللي يعوضك عنا
احنا تعبنا ومالقينا بديلك
وان كنت زعلان بخطأ جاك منا
بالعذر .. احنا والتأسف نجيلك
وان كان قصدك بالهجر تختبرنا
ترى القطاعة نار تكفى دخليك
ما اقوى فراقك لو تبريت منا
مثلك طبيب واعتبرني عليلك ,,,

شفت "الحب"
شفت "الوله"
شفت "الشوق"
شفت "الحنين"
شفت "الصبر"
شفت "الغلا"
شفت "الوفاء"
شفت "المعزه" بعد وش تبي؟!

كل هذا اللي شفته يحمله انسان لك!!!...
بس اسأل ضميرك وبتعرف..

"معزتك عندي"

تعال أحتاج أسولفلك عن الأيام وأشكيلك
وأفض غيم الحزن وأنثر حنين الشوق بقبالك
تعال وحط في قلبي هموم الفرقى وأشيلك
لأن القلب ماهو قلب إذا في نبضه ما شالك
وقف دمعي من عيوني أبي من عينك أبكيلك
أخاف أبكي من عيوني وأبعثر جية وصالك

يا وقت وش باقي حزن تخفيه ..؟
أظن حزن الناس كله وصلني !!
كل التعاسه والألم عايشه أنا فيه !!
حتى الأمل خيب بها اليوم ظني !!!!

المعذرة ياحب ماني بناسيك
منساك لو تنسى الليالي قمرها
أرسل فؤادي بالرسايل يخاويك
طاريك يطريلي وروحي سمرها
يا وقت لا ترمي علينا بلاويك
من برها وديتنا في بحرها
الحب حبك والمحبة تحييك
حبك غمرني والمشاعر نثرها

الله يامحلى بيوت القوافي
دام الشعر في وصف الاحباب مطبوع
بهديك عمري لو غدى العمر كافي
وآمر وانا لك يالغلا سمع وطوع
اهواك ياعمري وهذا اعترافي
والحب ماهو للمخاليق ممنوع

ارسل الاشواق وانثرها عبير
في طريق اللي على بالي خطر
في فوادي لك غلا وشانك كبير
عند من يلمح خيالك ياقمر
يارفيع المستوى يعلك بخير
قربكم جنه وملقاكم فخر
في صفاتك تذهل الناس وتحير
ماصدفنا حد مثلك في العمر

تبقى رفيقي مثل ماكنت أناديك
وتبقى حروف أسمك بقلبي معاني
إن جيتني باقول يا مرحبا فيك
وبحرسك بعيوني وداخل كياني
وإن رحت عني بدعي الرحمن يحميك
ويحفظ رفيقي لو غبت عنه ونساني

جتني على طاريك عذبات الأبيات
ذكراك ساقت لي جميع القوافي
لك قلب له مع الطيب وقفات
وبين الضلوع الحانية قلب صافي
لامن ذكرتك والليالي القديمات
فزيت من نومي لو كنت غافي

كل من سهيت القلب يخفق بذكراك
والوقت يمضي بالمحبة إجباري
ابعث لي المرسول لاترد يمناك
وارضي خفوقن بالمعزة يداري
لا تحسبني لامضى الوقت بنساك
حبك وسط قلبي مسبب طواري

يا صاحبي
يمكن في هجرك لنا خيره
مادام ماعاد في قلبك لنا طاري
حكم القدر "يارفيقي" صعب تغيره
مادام بعت الرفيق اللي لكم شاري
يازين حالي على الله سهل تدبيره

سو الي براسك ولاتذكر اسباب
لاصرت بايعني توكل على الله
مابيني وبينتك مشاريه وعتاب
شف دربن جيت منته تدله
ماراح تغلبني لوالحب غلاب
من حضرتك عشان قلبي تذله
رح واعتبرني واحدأذنب وتاب
ماني بثوب تلبسه ثم تمله

دايم على بالي ولا يوم ناسيك
وأنت لزيم الروح وأكثر شويه
بدرب المعزة أشهد إني مخاويك
واخترت شخصك بين كل البريه
الرب يعلم بالغلا يا كثر مغليك
و دايم مكانك في الشموخ العليه

وش تقول بشخص مثلي مات فيك!
حبك لحد الجنون وما اكتفى!
لو نسى عمره وروحه ما نسيك
دام حبك نبع صافي للوفا
لو تكون بآخر العالم يبيك
دام شوفك فيه للروح الشفا
كم تمنى في عيونه يحتويك
لجل يسري في حناياه الدفا

احترت وش أكتب لانسان عزيته
على كل الناس والدنيا بديته
ضاع الكلام وضاع الشعر وبيته
ادري لو بعت لخاطره عيني ما وفيته
سكن خفوقي وتربع فيه وياليته
يدري اني من كل الكون اغليته..

يكفيني بس انت لامن قلت وشلونك
تطيب كل الجروح ويختلف لوني
ان غبت عني شعرت بلذة طعونك
وان شفت زولك شعرت بقيمة عيوني
يمكن انا اكون من اعز الناس بعيونك
بس انت والله كل الناس بعيوني..

مسيتك يأعز المخاليق بالخير
ياكيف حالك عسى حياتك سعيده
احلم بشوفك حلم عطشان للبير
واحسب مسافات الليالي البعيده
بس المهم تكون مرتاح وبخير
والا اللقا ملحوق بايام جديده

هالرساله~
(من اللي يحبك ويغليك)
"ياليت تقريها على قد مهلك"
والله:
مابه بالبشر من يساويك
لا بين اخلانك ولا بين اهلك
واقسم بمن صورك
"وحط الحلا فيك"
ماأنساك لو تطلع الروح لأجلك

ياورد في سله
ياقمر فوق تله
يالولو في يله
ياعسل في مله
ياحب مابه مذله
ياقهوه تفوح من دله
ياضحى انام بظله
ياسؤال محد يحله
يلي عيوني ما تمله
والغلا ( انتو ) كله

ليه يا دنيا تعزين الرخوم ؟
والشجاع يعيش عمره في نكد
تطرحينه كل ما حاول يقوم
كل ما يبني يفاجأ با الهدد
والخبل جظه ورى ذيك النجوم
عالي مرتاح دايم في سعد
والشجاع تحاصره سود الهموم
وان تخلص من نمر طاح بأسد!

ما يصير أنساك لالا ما يصير
وفي خفوقي لك معزة وأحترام
قبلك الدنيا مثل حلم صغير
وعقبك الدنيا غرام في غرام
أنت مثل النور في عين الضرير
لا لمحتك ما بقى حولي ظلام
فيك عمري ..فيك روحي وامصير
فيك كل أيام عمري والسلام

أنادي من سكن بأقصى فؤداي
على من هو نفس روحي وزادي
على من هو حرم عيني رقادي
أنا أهواه
يزور العين طيفه
ثم أضمه
وأحس أن الهوى
عطره وأشمه
وحبي له
يفوق عن حب أمه

الغلا يا حبيبي أنت والوله يا قلبي
والألم يا عمري أنت
أنت كل إحساس فيني
أنت كل أحلام عمري
وروعة الدنيا بعيني
خذ غلا عمري وجرحي
خذ عناي وخذ هناي
بس لي عندك رجاء :
الطف بقلب يحبك ويموت فيك !

وين أحطك فيه ؟!
القلب ما يقوى غلاك!
العين تعجز عن رضاك!
الروح ذابت في هواك!
الشمس ما تاصل مداك!
البدر يخجل من بهاك!
الليل يستأذن مساك!
الكون يصغر في لقاك!
أحترت يا الغالي معاك !

حب يغيب وصاحبه ما بعد غاب
وحب يدوم وصاحبه في غيابه
وحب يذوب خا فقً ما يعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلاأسباب
يبدأ غريب وينتهي في غرابه

تذكر صاحبك وارجع له .. تقرب له
ولو با الصوت..على آخر نفس واقف ..
تجي ولا يجيه الموت .. وأشوف الموت
أحرص منك .. وأشوف إنك تبي موته ..
وأخاف أنك بعد موته تحن وتفتح التابوت..
وأخاف من القهر يقفل في وجهك باب
تابوته!!!!

في خاطري لك شي ودي أقوله
مدري تصدقني أو تقول كذاب
قلبي يحسك دايم الدوم حوله
مع كل دقه يذكرك ياأغلى الأحباب
تدري عليك الروح با الحيل توله
وتدري بعد طيفك عن العين ما غاب

لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني

حاولت في قلبي أقول بنساك
وأعيش دنيا في حياتي جديدة
أثر الغلا ما تعجبة غير دنياك
والقلب غيرك ما سكن في وريده
أشتقت لعيونك وصوتك ونجواك
أشتقت لظروفك لو هي عنيدة
حبك شربتة كيف ما أقدر أظماك
حبك عرفتة كيف ما حتاج اعيده

ما ودي فراقي ذاك يتكرر وينعاد
أنا نلت من الشقا شي يكفيني
أبي موعد للفرحه وأبي للهنا ميلاد
أبي حلم يختم بالفرح سابق سنيني
إذا انك نويت درب فرقا وقلب جاد
أمانه بربك كان لك قلب راعيني..

صاحت عيوني تنشد القلب رؤياك،،،
واثره فؤادي في بعادك قصيده،،،
كن السعاده تولد بيوم لقياك،،،
وكن القرايب في بعادك بعيده،،،
كل الرسايل كان ترضيك تفداك،،،
وإلا اعتبر "قلبي" رساله جديده،

تصدقين ... ؟!
رقيت في / حبك .. كثير ... !
حتى وصلت اني : اطير :
تخيلي .... !!
أطير في زرقة سماك ...
واذوب في ذرة ' هواك ، ... !
واستعذبك ... خوف وهلاك .... !
غصب علي ...
من كثر ما احبك ... وابيك ...
ابغي اكون بداخلك ... مالي شبيه ..
ولا شريك إلا ..... | أنا | .... !

لا تفكر بال / نهايه .. !
توّها عندي : بدايه :
توي احس بحياتي ؛ يا هوى عمري وذاتي
لو رج ع ت ل ذكرياتي ... !
ما لقيت الا [ انت ] فيها
م ح تويها ... !!
كيف اعيش بيوم ' دونك ،
يبعدوني ..... يبعدونك
ما ابت ع د ... [ قلبي و قلبك ]
دام تجمعنا

| أحبك |

]•(๑♥๑ خطآي ๑♥๑)•

خطاي إني على النية مشيت
أهديتهم روحي ولنفسي البقايا
طبع الغدر بدمهم وأنا وفيت
ما ينفع التقدير بناسٍ ردايا
كيف طعنوا قلبٍ صار لهم بيت
كيف النذل يصير عذب السجايا

•(๑♥๑ ابح ث ๑♥๑)•
للقائمة روح وأبحث لين تلقاني
وأضغط على الزر الأخضر ثمّ كلمني
أريد صوتك ما هو لأجلي ومنشاني
لأجل الغلا اللي من أغلا النوم حارمني
ياخوي ألفين صادقني وخلاني
و لا فيه واحد من الألفين فاهمني
أعامل اقصى خوي عدّة من اخواني
و انا ادري بعد يومين صادمني

•(๑♥๑ قلبي رسالة جديدة ๑♥๑)•
صاحت عيوني تنشد القلب روياك
و أثره فؤادي في بعادك قصيدة
كن السعادة أعشقت يوم لقياك
وكن القرايب في بعادك بعيدة
كل الرسايل كان ترضيك تفداك
والا .... خد قلبي رسالة جديدة

•(๑♥๑ روح ال غ لا ๑♥๑)•
بسم الغلا برسل مع الشوق ورده..
أرويتها من ماي عيني غلاها ..
عطرتها بروح الغلا والمودة..
ضميتها لصدري ولامس عطاها..
أمنتك الله ضمها عندك لمده ..
حتى أحسك ضميت قلبي معاها..

•(๑♥๑ أخاف عليك ๑♥๑)•
تدري فقدتك حيل وضاق فيني الكون ..
لما تذكرتك ثارت دموع العين ..
تدري أعزك موت واشتاق لك بالحيل ..
وتدري في غيابك صار لي قلبين ..
قلب يعزك ويشتاق لك يغليك ..
وقلب عليك يخاف من هالزمان الشين ..

•(๑♥๑ عمر الصحبة ๑♥๑)•
عمر الصحبة ماتنتهي بين الأصحاب
بالذات لا صار الغلا فوق حده .
مهما حصل من بعد وقصور وغياب
ترى لكم بالذات أنتم موده .

•(๑♥๑ همس الوفا ๑♥๑)•
همس الوفا باقي مع النبض والصوت
لو غبت يبقى لك ضمير الوفا حي
بين الرجا والياس والحلم والموت
وبين الفرح والحزن والشمس والفي
اشتاق لك شوقن عظيمن ومكبوت
شوق الضرير إلي تعانق مع الضي

•(๑♥๑ صديقي ๑♥๑)•
من يوم ربي عز قدري و شاني . .
حطك صديقي و أصبح الهم مفقود
أكرمني الله فيك لا ما نساني . .
و علمتني وش يصنع الطيب و الجود
و ذا نطقت أسمك تشرف لساني . .
ولا المودة دايم الدوم في زود

•(๑♥๑ ان كنت ๑♥๑)•
إن كنت تضحك يا عساها على طول
وإن كنت متضايق يا عساها دقايق
وإن كنت نايم يا عسى الحلم معسول
وأن كنت صاحي يا عسى البال رايق

•(๑♥๑ أعذب نشيد ๑♥๑)
تطلبين الشعر... يا أغلا ملاك
وأنتي أجمل ما كتبته من قصيد
القوافي تنتظر... بسمة شفاك
ثم تجي عذبه على معنى (ن) فريد
سحر عينك خالطه بسمة رضاك
مصدر الهام وهي أعذب نشيد

•(๑♥๑ يا هيه ๑♥๑)•
انك نويت تذل هالراس اخطيت
والله لتبطي مانزل من مقامه
أنا ترى لاقفيت ياهيه اقفيت
ماعاد ارجع لو تقوم القيامه
أنا اعترف إني بحبك تماديت
لكن اموت ولا ابيع الكرامه

•(๑♥๑ لزمن حكمة ๑♥๑)•
الزمن لا صار ضدك واحتوى .. درب المصايب
لا تحاول تنكسر له .. لا تزيد الطين .. طينه
ل الزمن حكمه غريبة تحكم ب درب الصعايب
ويا كثر من ضيّع الفرصة وهي فرصه ثمينه
عز نفسك في زمانك .. ولا تقول الحظ خايب !
وسوق عمرك ل المعالي و اكسر النفس الحزينه
والطريق اللي تشوفه / يرسم الدنيا | عجايب |
مد يدك في طريقه .. لين ما تمسك .. يمينه
والرفيق إن طال وقته لا تحاتي وكل غايب ,
حجته دايم معاه .. ولا تقول × فلان وينه ×
ولا تكابر ب المصيبه لا حكوا ب أغلى الحبايب
قول : غالي .. وكل غالي " تكرم ل عينه مدينه "

•(๑♥๑ مليون مثلك ๑♥๑)
راسي يبيلك [ برج إيفل ] تطوله
لاصرت فوق البرج لاقيت .. راسي
شوف [ الأنوثه ] لاكساها رجوله
مليون مثلك .. ما يجيبون .. راسي !

•(๑♥๑ حناني هو سبب بلاوي ๑♥๑)
ياخوي لا تسأل ..عن اللي × حطّم × أحلامي
عن الدمعه ..
عن النظره الحزينه ..
والعنا والآه
عن البسمه
أو الإحساس
أو الشقا اللي ف أيامي
ترى في دمعتي قصه ..
وأنا في قصتي / مأساه !
أشوف الظلم ب عيوني !!
يعذب قلبي الظامي ..
أشوف الكره معميهم
وكل ٍ ~ ملتهي ~ ب دنياه
أشوف الكل هاجرني ..
وتقرب لحظه إعدامي
أنا والله لي :: قلب ٍ ::
حنانه هو .. سبب بلواه ..

•(๑♥๑ بو وجهين ๑♥๑)•
شفت ابتسامات الوفا بعيونهم مأثوره ..
وثر الخناجر من ورى الضحكات مشهوره ..

•(๑♥๑ غلاك أكبر من الحروف ๑♥๑)•
لو الرسايل بين الاحباب مقياس !
ارسلت لك في كل لحظه رساله
ولو الرسايل تشرح اللي بالاحساس
صورت لك شوقي وكيف اشتعاله
لكن غلاك اكبر من حروف و اقواس!
صعب اشرحه صعب اوصفه فمقاله
غلاك ( فكر وهاجس وروح وانفاس )
غلاك ( شي ما تشيله رساله )

•(๑♥๑ ما تساوي أي شي ๑♥๑)•
ما بقالك شي عندي لجل افكر بك واداري
لأنك اصلاً صرت عندي ما تساوي اي شي
الزمن والحكي وأنت وكل من يطعن سماري
يوم بتموتون لكن : يبقى رب الناس حي ..!

•(๑♥๑ عذب الاحساس ๑♥๑)
جت لك بيوت الشعر من عذب الاحساس
و الشعر ما يوفي مزاياك كله
لك بالحشا ود على غير مقياس
غيرك و لو وصل القمر ما وصل له
غلاك عندي فارق عن غلا الناس
و لو هم خذوا بعضه لك القلب كله

•(๑♥๑ مانسى صاحب نساني ๑♥๑)•
و الله منسى صاحب ما نساني ,,
لو طالت الغيبه و ضاعت نواحيه ..
يبقى معي ما بين قلبي و عيني ,,
و النفس من بد المخاليق تغليه ..
و انشد عن أحواله بعاصف سنيني ,,
و ارتاح لا زانت و طابت لياليه ..

•(๑♥๑ بدونك من أكون ๑♥๑)•
ما للعمر في بعض الايام قيمه
لا غاب عنك إلي تحبه و تغليه ..
تصبح حياتك في بعاده سقيمه
ليمن تذكرته أو جاك. طاريه ..
تموت من كثر الأسى و الحريمه
مثل الذي عطشان ما حد يسقيه ..

•(๑♥๑ تعذيب الضمير ๑♥๑)
قادر ابعد لو ماكنت قادر
دامها جت منك يعني وش بيصير
زينك اللي بالمرايا بس عابر
مثل ريح الورد في عمره قصير
هذي حروفي وانا مانيب شاعر
بس من صدتك تعلمت الكثير
بتركك انت وضميرك وانت خابر
ان أقسى شي تعذيب الضمير

•(๑♥๑ في ذمتي ๑♥๑)•
في ذمتي..لو احترق حرق كبريت
ماذل نفسي..لو "حياتي كئيبه"
حسبي..على جرح بدربه..تماديت.
وخلن جارحني جعل ربي حسيبه

•(๑♥๑ تكبر بلا داع ๑♥๑)•
من شاف نفسه نايف بالجماعه ..
ينقص الا منه تكبر بلا داع
كالطير بطياره يزيد ارتفاعه ..
ويصغر بعيون اللي يشوفه من القاع

عبد الله الوشمي
رسائل جميلة تشكر عليها
تقبل تحياتي

[ندعوك للتسجيل في المنتدى أو التعريف بنفسك لمعاينة هذا الرابط]

هلا بريحانة المنتدى

تسلم إيدينك على هالرد الحلو

دمتي بخير