أنا مثلك بني آدم ... خطاي أكبر من النسيان

*

امانينا / وطيفً عابرً يستوحد الاعيان
................ ثمن هذه الدموع الي بسيطه سبة غيابك

توشحنا الاسى وقلوبنا تعجز عن النسيان
............... تلعثمنا قهر لكن بقت الالفاظ / تغتابك

تعال استرجع الذكرى معاي : ونعرف الغلطان
................ واذا مخطي انا اسف وابرر كل ماصابك

انا مابي غرورك ياخذك لـ:ساحل الحقران
................ حشى ولابي شواطي حزن ترسي سفنها اسبابك

وانا مابي على ادناة الخطا تستنكر العرفان
.................. حشى ولابي بعد رئف الشعور انكان هو جابك

ظلامك والطريق الي مشيته موحش ونكران
.................... ابد ماكني اللي قد فتحت النور لـ ابوابك

تعال وراجع الماضي شبعنا : حاضر الاحزان
................... تعال ولملم اشلاء المرايا قبل ماتهابك

تعال وبدل دموع الغيوم وعانق الاجفان
................... تعال ازرع على ارض الاماني حلم يحيابك

تعال نكسر اسوار البعاد ونغرق الاشجان
.................. وعلى موج الامل تطفو مشاعر حب تزهابك

تعال ونطلق طيور الرضا ونغازل الامزان
..................... تعال نطير طيور الفرح في عالي هضابك

تعال وسفر عيوني عن الوجه العبوس الان
............... تعال انفض عن غبار الجروح وجدد خضابك

على كثر الغلا ودي اسافر بك عن الاوطان
............. وعلى كثر الغلا تاخذ يزيد ويكثر حسابك

الا ليت الوفا ينصف حقوقي في بعض احيان
.............. الا ليت العيون الي تضَُوي تضوي ركابك

تعبت انازع الواقع : عليك ومامعي جنحان
.............. وانا اللي كنت فالواقع / اعاني واقع اعجابك

تعبت اكتب على سفوح الورق : واعاند الاوزان
.............. تعب جرح القلم ينزف : لاجل بس يرضي عتابك

ذبحني البرد في غيابك : قهر كن الوفا عريان
............ تعال وغطني : داخل حشاك . واُلحف ثيابك !

انا ماني شخص عابر / حشى ولاني بـ أي انسان
............. انا انسان . يتنفس وجودك . عاشق اهدابك

ذبلت الورد في قسوة جفاك وساقي البستان
............... تعب ينثر من دموعه لاجل يتنفس اطيابك

يفح الشوق في درب الهجير / وغاليك ضميان
.............. متى بس تروي شغوف القصايد قبل تشقابك

انا مثلك بني ادم .. خطاي اكبر من النسيان
............. ونسيانك خطاه اكبر / يابن ادم مع احبابك

زائر

ذبلت الورد في قسوة جفاك وساقي البستان
............... تعب ينثر من دموعه لاجل يتنفس اطيابك

الله عليك صح نبضك

بيت آعجبني كثيرآ

دمت مبدعة

انا مابي غرورك ياخذك
لـ:ساحل الحقران
................ حشى ولابي شواطي حزن ترسي سفنها
اسبابك

وانا مابي على ادناة الخطا تستنكر العرفان
..................
حشى ولابي بعد رئف الشعور انكان هو جابك

ظلامك والطريق الي
مشيته موحش ونكران
.................... ابد ماكني اللي قد فتحت النور
لـ ابوابك

أبيات شامخة يا بسمة الروح

صح لسانك وأعتلا شانك

تحياتي وتقديري

كلمات بقمة الروعه والابداع

تقبلي مروري

ياهـــــــــــــــــــــــــــــلا بحبايب قلبي
مرحـــــــــــبا ا في اصحاب الذوووق
[ندعوك للتسجيل في المنتدى أو التعريف بنفسك لمعاينة هذه الصورة]