ودي اكـون أقـرب لهـا مـن [عطرهـا في ثيابهـا]

لا والله إلا رحـت فيهـا ! والبـلا كانـي بكيـت
الحـزن داهمنـي ونفسـي ضايقـه مـن مابهـا
بديت احس الكون يصغر فـي عيونـي وابتديـت
اكره مكاني والريـاض ! يضيـق بـيّ اترابهـا
راحت غرام القلب واصـدق قلـب فالدنيـا لقيـت
هي سافرت عني ! وانـا والله ماطيـق اغيابهـا
امنول اقوى بعدهـا واليـوم عاجـز مـا قويـت
تاخذنـي الذكـرى لهـا لحـد مـوصـل بابـهـا
انام من كثر التعب , واتعـب ليـا منـي صحيـت
أعيشهـا واليـا غفيـت أغفابهـا واصحابـهـا
احـاول اجفاهـا ولكـن فالحقيقـه مـا جفيـت ؟
إلا علاقتـي مـع العـالـم عـشـان اعجابـهـا
ياويـل حالـي يامساعـد ياكبـر حـظ الكـويـت
لا والله إلا حــظ اهاليـهـا وحــظ اقرابـهـا
حبيتها مو مشكله ! مشكلتـي الكبـرى نسيـت !
ليلة فـراق الغاليـه .. نسيـت احسـب احسابهـا .!
نسيت لحسب لحظة فراق الهنـوف اللـي هويـت
نسيت كيف احيا ! حياتـي دامنـي مـا احيابهـا
والله ما بغى شي من دنياي .. بس اللـي بغيـت ..
ودي اكـون أقـرب لهـا مـن [عطرهـا في ثيابهـا]
ينتابني يـأس وملـل واحـس بحسـاس ٍ مميـت
واقـدر احلـف ان الــذي ينتابـنـي ينتابـهـا
شعور ماحسيت بـه مـن يـوم فالدنيـا وعيـت
احساس ماحسيت به مـن قبـل اشـوف اهدابهـا
الله من كثر التعب واللي مـن الفرقـى جنيـت ؟
سهر , قصيد , اهموم , كل هذي وش اللي جابها ؟
اعيش يومي ودي اهنى مير عـدى مـا اهتنيـت
اصلاً انا وشلون ابهنـى .. دامنـي مـا اهنابهـا
هذي لو اني عشت معها طوـوـول عمري مـا اكتفيـت
لكـن عساهـا سالمـه للشايـب اللـي جابـهـا
مكتوب واللي كاتبـه ربـي ترانـي بـه رضيـت
عسى الله يهون علـى نفسـي مصـاب ٍ صابهـا
يامساعد اليوم انتهى وانـا مـع اليـوم انتهيـت
مابـه جديـد ! إلا بقايـا شاعـر ٍ يبقـى بـهـا
ادري تشوف ان التعـب فينـي ولا ودي دريـت
ادري ونـدري كلنـا ! غيـري تـراه اولابـهـا
بس الذي خلانـي احكـي كـل ماعنـه حكيـت ؟
هي حاجـة ٍ نسيتهـا مـن قبـل وقـت اغيابهـا
حبيتها مو مشكلـه .. مشكلتـي الكبـرى نسيـت
ليلـة فـراق الغاليـه نسيـت احسـب احسابهـا ..!

انام من كثر التعب , واتعـب
ليـا منـي صحيـت
أعيشهـا
واليـا غفيـت أغفابهـا واصحابـهـا

الله الله ..

صح لسانك يا همس الجروح

قصيدة مليئة بالمفردات المميزة

شكرا جزيلا لك والله لا يهينك

تحياتي وتقديري

[ندعوك للتسجيل في المنتدى أو التعريف بنفسك لمعاينة هذه الصورة]

صح بدنك يالغالي
عطرت متصفحي

يعافيك ربي ملوكه
نورتي

زائر

الله يعطيك الف عافية

يعافيك ربي يالغاليه
نورتي