باشكي على الكيبورد

فيروس هجرك عطل القلب تعطيـل
و دمر ملفات الفـرح فـي حياتـي

ياللي سكنت القلب من دون تحميـل
متـى لموقعنـا تشـرف و تـاتـي

عنوانكم ماهـوب ياهـو وهوتميـل
عنوانكـم روحـي و قلبـي و ذاتـي

كم مرةٍ أرسلـت لـك عبر الإيميـل
و أدورك فـي منتـداي و شـاتـي

و أرسلت لك يا زين فايـلٍ ورى فايـل
فيها الغلا و الحـب يا أغـلى أمنياتـي

و أرسلت لك قصة عذابي مع الريـل
ياللي غيابك هـو سبايـب شقاتـي

دايم عليك أبحـث بياهـو و جوجـل
و أنـت و لا تسـأل علينـا بتـاتـي

خابرك بنتيوم فـور أصلـي و إنتيـل
لكن خسـارة غيـروك الوشاتـي

و كان الهكر غروك بالقـال و القيـل
بأدعي عليهم في سجودي وصلاتي

يا جعلهـم بقعـاء و طيـرٍ أبابـيـل
ترمي عليهم بأمـر ربـي حصاتـي

يرضيك من حبك غدى منهك الحيـل
ريقي غدى ناشف و يبسـت شفاتـي

أقضي الليالي دمع عينـي هماليـل
لا مـن طريتيلـي تـبـدد مبـاتـي

صحـراي جفـت مالفانـا مخاييـل
و أنت المزون اللـي تـروّي نباتـي

و ياشين حالي لا قريـت المراسيـل
في الأوتلوك أذكر قصص ماضياتي

منك حزين الحرف شـاف البهاذيـل
و قلبك مثل قرصٍ صلب في القساتي

موقعك في وجهـي مقفـل بتقفيـل
حتى البروكسي ما نفـع وش سواتـي

بمفضلـة قلبـي عطينـاك تفضيـل
أنـت المفضـل عندنـا يا غنـاتـي

و يا زين هجرك عطل القلب تعطيـل
و من غير شوفك و ش تساوي حياتي

كني بدونك قرص فـارغ و لا فيـل
فاسـد ومرمـي بسلـة المهملاتـي

ما عدت أفرق بين اكسس و أكسيـل
و ماعدت أفرق بيـن بلتـك و شاتـي

و باشكي على الكيبورد كثر الغرابيل
و أكتب على الوورد المطور وصاتي

و هذي النهاية حطها وسـط تظليـل
لا مـت ف غيابـك سبايـب مماتـي

زائر

صح هالنبض الخطير

ههههههههه جد تجنن

ا.

روعه ياالغلاااااا
أقضي الليالي دمع عينـي هماليـل
لا مـن طريتيلـي تـبـدد مبـاتـي

سمو الأميرة كتب:: صح هالنبض الخطير

ههههههههه جد تجنن

ا.

هههههههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة] صح بدنك يا سمو الأميرة

أهلا وسهلا فيك

شكرا جزيلا لك على المرور والمشاركة

تحياتي وتقديري

غالي الاثمان كتب:: روعه ياالغلاااااا
أقضي الليالي دمع عينـي هماليـل
لا مـن طريتيلـي تـبـدد مبـاتـي

غالي الأثمان

[ندعوك للتسجيل في المنتدى أو التعريف بنفسك لمعاينة هذه الصورة] هلا وغلا فيك أخوي

الله يعطيك العافية ويسلم أيديك

مشكوووور على مرورك ومشاركتك

تحياتي وتقديري

صـــــــــــــــــــــــــــح انت
وصح اختــــــــــــــــــــــــــــــيارك

كلك ذوووووووووووووق لا عدمناااااااااااك

بسم الروح ..

صح كلك .. وكلك صح

ألف مليون تريليون شكر على حضورك القصيدة

تحياتي لك