ليه ركبتها سوداء ؟وماتطبخ الا كبسة ؟ <رد على كل سعودي‎

اولا :

بلغ السيل الزبى ..وهزُلت..كل يوم والثاني يوصلتني ايميل او مسج ع الجوال تحتوي على مقارنة السوريات وغيرهم بالسعوديات

ثانيا:
قال تعالى:{فَمَنْ اِعْتَدَى عَلَيْكُمْ فَاعْتَدُوا عَلَيْهِ بِمِثْلِ مَا اِعْتَدَى عَلَيْكُمْ}

وقال سبحانه:

:{وَجَزَاءُ سَيِّئَةٍ سَيِّئَةٌ مِثْلُهَا }

وقال جل في علاه:

قال تعالى:{وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُمْ بِهِ }

والمسلم مخير بين رد الاساءة بنفس الدرجة او العفو او الاحسان

والثانية والثالثة ماتبين فالرجل السعودي فماراح استخدمها

الى كل انسان سعودي مكتوب في بطاقة احواله ذكر

هالمرأة المحافظة الملتزمة المحتشمة العفيفة الطاهرة الغافلة عن الدنايا السعودية

هي جدتك وامك وعمتك وخالتك واختك وزوجتك وبنتك

كلامك عن السورية لايدل الا على ماضيك الاغبر والا وش عرفك عن السورية وتعاملها وكلامها وجسمها

يعني سترك الله بس ودك تفضح نفسك

وجاي تبرر سفرياتك المتتالية لسوريا ..!!

وتبرر زواجك من الرقاصة الفلانية فالكازينو الفلاني..!!

تبرر علاقاتك الغيركويسة وتعطيها اعذار ..!

بعدين من وين جات السعودية مثلا..!؟

موالمرأة هي التي تُخلق من الرجل

يعني الجينات اللي تحملها ماهي الا جينات اباها وجدها

يعني انتو الوباء والبلاء

ولو تزوجت ياسعودي روسية تلمع بناتك بتطلع ركبهم سود..على ابوهم

ولو تتزوج بروفسورة المانية بتطلع عقليات بناتك صغيرة..على ابوهم

ولو تتزوج شاعرة تركية بتطلع ألسنت بناتك سم..على ابوهم

يعني الحل هو التخلص منكم

عشان ماتتكاثر جيناتكم المروحة

ولو يعطيني أبو متعب صلاحيات ملكية لمدة يومين

على طول انفيكم للربع الخالي واجيب الصينيين يسوون لكم مثل صورهم العظيم على اطراف المنطقة بس يخلونه مكهرب

لين تنقرضون

وافتح باب الزواج من الخارج للبنات

تحت شعار :فلنحمي مستقبل بناتنا

بعدين لحظة وش عندكم عالمحشي والخضروات هاليومين..!؟

السوري لازم ياكل خضروات ومحشي وسفرة اشكال والوان عشان يحافظ على لون خدوده الوردي

بس السعودي على اساس ياكل خضار..؟!

انتم اقصى طموحكم كبسة ضب او تيس مندي ..

واذا واحد سوت له زوجته ايدام بوز كفراته وطلع ركض

عالمطعم البخاري ياخذ رز 4 انفار ويغمز للرفيق يقول:كثر

وياقلب لاتحزن...صبراً جميل أيتها الفتاة السعودية والله المستعان على مايصفون

وللاسف مايكفي السعودي الجينات المروحة اللي مورثها لبناته

ويكمل بالتربية الفاشلة

ويعبي بناته عقد بالدرزن

ويربي اولاده على نفس الاساليب عشان لومات يضمن بقاء هالعقد عند البنت

ومع هذا تكافح هالبرئية وتصارع هالظروف وتتثقف نفسها وتتطور وتستعد لبناء حياة زوجية سليمة

وتصبر نفسها وتقول اكيد بس ابوي واخواني اللي كذا

ماتدري مسكينة ان مصيرها تفطر على بصلة

وش عرفني انا؟

لان هذا الموجود

واذا جاء هالفارس المتلطم راحت السوق وشرت اي شي عليه حرفه

وبدت المغدورة تسمع قصائد وترسم قلوب

وتدخل هالعلاقة المقدسة وهي مصفية النية

وتبدى رحلت العنى مع هالسعودي المتوحش

ويشتغل عليها تحطيم وكررش لين ترمي اخر سلسة عليها حرفة مع الطاقة

ويجي بكل بساطة يقول ..السعودية بس بداية الزواج تكون رومانسية بعدين تقلب

والمفروض يقول:السعودية قدرت تقاوم بثارتي 3 شهور

اما موضوع المهر ومامهر فمو ذنبها هذي قوانين وضعتوها انتم يالرجال

والله ماسوو السعوديات مؤتمر وطلعوا بتوصيات احداها كم يدفع الخاطب مهر..!؟

وبعد هالمهر اللي طلعه من قلبه مو من جيبه

ماعاد تشوف منه شي

الا كيس دجاج وكيس رز لكرشته

ومرتين فحياتها هديه وغير مغلفة والسعر عليها مايشيله ويمكن يزيد صفر جنبه<<هاذا اذا عطاها هديه

<والله مايعرفلكم الا السورية تخليكم تكدون على حارتها كلها ومافي مانع ترسل لاقاربها المغتربين

وشي طبيعي انها تسايركم لانها مومعشمه فيكم اصلا

وتعرفون نظرة الاجانب للسعوديين

فتدخل وهي معشمه فحسابه فقط

مومثل السعودية المسكينة اللي حاطه كل العشم فهالسعودي

فتعمل لكل كلمة وفعل منه الف حساب

ولوركزت شوي فالواقع كان عطتكم الحجم اللي اعطتكم اياه الاجنبية

ولو جمعنا مايصرفه السعودي على سفرياته للبحرين وسوريا والمغرب وغيرها

ومايدفعه في مراقصها

ومايكده على بناتها

والمصروفات اللي يدفعها على عشيقاته

ومن ضمنها بطائق الشحن للجوال

والمهايطات والمظاهر الكذابة

لبلغ اضعااف اضعاف تكاليف الزواج من 4 سعوديات وليس واحده

لكن يجلس يلعب بذيله مايقارب العشرين سنه لين يتطمن انه ماخلى مرقص ولابنت ولاخنبقة الاجربها

وسار مطفر ومديون وكله امراض ونفسيته مريضة

قال :المهور غالية ومافي سعوديات حلوات

سبحان من رفعهم عنك

لاانسينا موضوع اللسان اقرى احيانا( الاجنبية اسلوبها لطيف وراقي)..؟!

طيب هي ابوها واخوها يكلمونها بهالطريقة ويشجعونها عليها

اما السعودي :يابنت تكلمي زين..

وش فيك تتدلعين بصوتك بلاقلة حياء

من وين جبتي كلمة عمري!

ايش الحركات المايعة هذي اجلسي زي الناس..امسحي المكياج عييييب.. وهلم جرا

السعودي وضعين ينعدل لسانه فيها ..وهو يغازل ..وفي هالحالة مايستغني عن مجلة فواصل لازم تكون فحضنه

او فأول مكالمة مع خطيبته..واذا بغى يسوي جنتل معاها قال:وش سار لك يوم شفتيني ؟

<وش تتوقع يعني..اكيد ارتطمت بالواقع وندمت انها قد شافت تليفزيون..

رضينا بالهم والهم مارضا فينا

اقول

ماتلاحظون الشباب السعودي

ياواحد عنده رهاب اجتماعي

ياواحد بجـــح حتى كلامه له ريحه !؟

الاضافة عالموضوع مفتوحة للبنات :

طلعوا اللي بقلوببببكم لايردكم االا الكيبورد

*واعتذر من كل سعودي محترم يعرف قيمه المرأة السعودية وما يخنبق بهالكلام التافه

<متأكده اعتذاري ماراح يوصل احد .

زائر

والله كفيتي ووفيتي يالغالية
وللأسف هذي هي القراءة الواقعية الي مافيها مبالغة

لكن حبيت أضيف كلمة واحده
( الطيبون لطيبآت والخبيثون للخبيثآت

وكلن يقيس علاقته ونظرته بالبنت سواء سعودية أو سوريه

وعلى طآري الركب .. أكدت بعض الدرسات أنها من كثرة الصلاة
والسعودية وقولتهمام ركب سوداء ..هذا شعار اكثر الشباب ,,احب اقول لاتزوجت تزوج
ام ركبة سوداء لانها شهادة واقعية عن ممارستها لأداء الصلاة

والحمدلله نعدها شهادة .. ولاكل البنات فيهم مستويات الملامين متساوية
وهو المسئول عن لون البشرة الوراثي
وبصراحة على طاري السعودي وبثارته مآدري ماعمم ولاأخص
لأن الشخص المثقف معلي مستواه عن النواقص والناقص بيضل ناقص
وراعي هالحروب انسان ناقص نظرته ماتبتعد عن سفليته
كل فكرة نظرة ولذته .. وشيطآنه على قولتهم (يرقصله ويغنيله )
جتني هالرسالة وشفت ردود البنات .. جلست آضحك وآقول حسآفة ثقافة شبابنا وبناتنا ماتعددت
المقارانات والملذات والإستهتار

الله يرفع عن الاولاد والبنات على هالثقافة الناقصة والفضاوة

والله يعطيك العافية لانك آثرتي موضوع فعلا كان بوقته مع كثرة ورود هالرسائل

تستحقين التقييم غاليتي

والف شكر لك

/

أختي الفاضلة ناهد الرويلي

أسمحي لي أن أبدي اعجابي اللامتناهي بهذا المقال الرائع

وأتفق معاك ومع الأخت سمو الأميرة فيما ورد فيه

من يعيب في بنات وطنه فهو إنما يعيب في أخته وأمه وأبنته وعمته وكل من له

افتخر وأعتز بأني أحد أبناء هذا الوطن الغالي

اتسائل لماذا ينظر الشاب إلى ركبة الفتاة ويتجاهل أشياء كثير أهم بكثير من ركبتها السوداء كما يقال

ثم أني أتعجب ممن يقول أن جميع بناتنا ركبها سوداء .. أني واثق بأنه لم يشاهد أكثر من اثنتين أو ثلاث وربما تكون تلك البنات هن خواته .. إذا لماذا التعميم

بناتنا ولله الحمد وكما نقرأ في كل مكان وصلن لأعلى المراتب وتعددت مواهبهن ولا يعرفن سوى سجادة الصلاة وسواد العباة ومن يبحث عن سوى ذلك فهو في خسارة كبيرة

وأخيرا اقولها بالعامية البحتة ( يالبى الركب السود وراعيتها )

شكرا جزيلا لك أختي ناهد الرويلي

وبشوق لمقال جريء آخر

تحياتي وتقديري

السلام عليكم ورحمة الله وبركاته
إيه الحكاية يا جماعة من زعلك يا ناهد ؟
هداه الله .. ولكن اختي واضح انك وصلتي آخرك من هذا الذي ضايقك
فطلعتي كل اللى جواكي بس مش كنتي شديدة عليه شوية اختي؟
اخواتنا السعوديات تقدرهن ونحترمهن ولا اعتقد انهن يكن اقل جمالا من غيرهن في باقي البلاد العربية
شكرا على الموضوع الجريء

ههههههههههههههههههههههههههههههههه
اختي الغاليه ناهد فيه ناس ما تناظر ابعد من خشمه
لكن انا اقول حامض على بوزهم سودا ولا بيضاء اركبه
خخخخخخخخخخخخخخخخخخخخخخخخ
سوووووووووووووووووووري

لكي حبــــــــــــــــــ [ندعوك للتسجيل في المنتدى أو التعريف بنفسك لمعاينة هذه الصورة] ــــــــــــــــــــــــي