ياجرح أستأذنك بانآم لي سآعه ....

ياجرحي استأذنك بآنام لي ساعه
وارجوك دخيل الله لاتصحّيني


لي خمسة ايام اعيش السّمع والطّاعه
ولك خمسة ايام تامرني وتنهيني


والمشكله جت عروق القلب فزّاعّه
..مايكفي انك سرقت النوم من عيني



اصبحت انا القاز وانت امسيت ولاّعه
..شبيتني يلعن اهلك وش يطفّيني



دكتور وممرضه وابره وسمّاعه
في كل ليله ولايدرون وش فيني



ياسيدي الجرح قلبي يشتكي راعه
لا الذنب ذنبي ولا الموضوع بيديني



حبيت واخلصت واثر الحب فقّاعه
روّح وباقي ... يموتني ويحييني



غيري هدر دم عشق وللاسف باعه
غيري قتل كل حب بحد سكيّني



وانا الي اصبحت للأخطاء شمّاعه
وادفع ثمن كل غلطه من محبيني



قبلي في العشق ناس وتشكي اوجاعه
قالوا متاهه ..وانا جيته برجليني



بدايته سلسله ..والنّفس طمّاعه
اغراني ادري ولا في شي يغريني



واليوم لو قلت يااهل الحب واطباعه
انتوا على دينكم ..وانا على ديني



اجبرني الجرح اعيش السّمع والطّاعه
حتى ولو قلت له ياجرحي اعفيني


من خمسة ايام وانا في رجاه ساعه.
.وان جيت بانامها جرحي يصحّيني

[list=1][*][center]

صــح>بـسـومـه<لـسـانـك
يسلمووو على القصيده
الجميله والرائعه

اشتقت الامروووركم هنا

ياهـــــــــــــــــــــــــــلا ومليون مـــــــــرحباا