كنت بس بحاجه لبعض البكى ..!

صرت أخآف من الكلام تصدق !!
صرت أخاف..
ياخذوني في غباء ويستلّذوني جهل ..
صدقني صرت أقول لكل طاري شعر يطري لي تمهّل ..
مو على كيفك تجيني ..
تاخذ الوجد المعتّق من حنيني ..
تاخذه منّي وأنا محتاج أشمّه في ثياب اللي يمروني عشان إت ْحس ب شوّية أمان ..
تعطّر أجواء المكان ..
صدقني كنت شاعره بس شاعره في زمان ..
مايبي شاعره يبي تهريج ضوضاء وصراخ
صدقني.. أقدر أصيّح وأكون الأوله بعين الجميع
صدقني .. أقدر أمدح لي وضيع
صدقني.. أقدر أخفض لي رفيع
صدقني أقدر و أقدر و أقدر
أقدر أخلق لك من ال لا شعر شعر
أقدر آسوّغ من ال لافكر فكر
أقدر آسوّي كثير .

بس لوتدري يحكمني .. كثير

القناعه قيد وأحلامي .. كبار

ودي أخرج من قفص
نفسي وأطير
ودي أكسر ماتراكم
من حصار

ودي أفرش قلبي بغير.. الحصير
ودي ألقى نفسي بضحك .. الصغار

ودي ألقى بعين أبوي
إني قديره
وأقدر أخذ ذود جدّي
للقفار

ودي أسرح كل صبح لكل.. خير
ودي إني لا عطيت أعطي.. كثار

ودي أمي يوم ..تفرح
بي تصير
ماتشيل همومي لليل ونهار

بس يشوفوني مثل عمري..
كبير
لو يديني عن أمانييّ.. قصار

ما يهم .. اللي
يهم
أورث التاريخ و
أورّث دمار

مالك بطول السوالف والكلام اللي يطول
تْجي ننسى الجهل في بعض العقول
تْجي أغنّي لك مواويلي حزن
تْجي نخرج من تفاهات الوزن
تجي أحبّك من هنا لين الورق .. للـ حب يا.. يا

يا نكون أحباب.. لكن ما نحب !!
يا نكون أصحاب .. طبعاً مانحب !!

ليه هالليله حزينه..؟
مدري ليه !
بس أحس بحاجه لأنسان أفضفض له لقيت
إنك أقرب من يحس ( أو هكذا كنت أعتقد )
لايهمك ..
كنت بس بحاجه لبعض البكى
وأنت لاتطري لأحد من بكى
(خايف إني من عيون الناس أطيح )

شفني إني صدق أخاف من الكلام
شفت شلون أتوارى ف الزحام
شفت الشاعره إليا منه كتبت
لا تحداني اغنّي
مو طرب لكن اغني
(مو حزن لكن حزين )

وإنت كنك تستلذ الغناء
أو تحسبني أفضفض لك لأني

بالأخير آقول أحبّك ؟

.... :

أيه أحبّك ..!
بس أحبّك تسمعه
أيه أحبّك ..
بس أحبّك تقنع

إني شاعره ما بقى بـ قلبي مكان
وأنك أغلى شخص ما حبيته
وأنك أرقى رجا قد حاكيته
أيه أنا وياك يجمعنا كثير
الكلام اللي حكينا
كان رابط بيننا
وآنا أحبّك بس ؟؟
من بعيد الحب يعني عيد حب وشمعتين وترسل
بيت شعر وكل عام
وأنت غير
أنت روحي وأنت قلبي وأنت غير

إيه غير

إيه غير

شفت كيف أحباب .. لكن ما نحب !!
............... شفت كيف أحباب .. لكن ما نحب !!

..

لكل من مر هنـآ
حبـــــــــــــــــــــــــي

بسمة الروح ..

كلمات بغاية الجمال ونص رائع ومليء بالرومانسية المترفة

شكرا جزيلا لك أختي الكريمة وسلمت يداك

تحياتي لك

[ندعوك للتسجيل في المنتدى أو التعريف بنفسك لمعاينة هذه الصورة]

لكل من زاد صفحتي نوووور

حبــــــــــــــــــــــي واحترامي

اشتقت لكم بقوووه

زائر

ذووق مختلف من صاحبة الإمتياز
وخالقي جميل ماقرأته هناا
سلمت وسلم ذوقك

وجودك زاد الصفحه تميز
يارب لاتحرمني شوفتك يا الغاليه