علمت نفسي درس مانيب ناسيه

.
.[ندعوك للتسجيل في المنتدى أو التعريف بنفسك لمعاينة هذه الصورة]
.
.
.عزي لقلب ... صار همه مخاويه
متعلق ... لا هوبشايب ولا شاب

لا قادر يفرح بشي ..... يسليه
ولا قادر يلبس على حزنه ثياب

راعي الطموح يموت مادرك مناويه
لاخاسر حلمه.... ولا كاسب اعجاب

لاهو فقد له شي..... علشان يرثيه
ولا ظافر شي يحسب له حساب

اقسى عذاب يخلي الرجل يبكيه
عذاب لكن تتفق فيه كل الاسباب

لامن عشق حاجه ولاهيب في يديه
لا يأس منها ولا عن العشق تاب

الحر وافي ولا يخون .......راعيه
حتى لو انه دون راعيه ...ينصاب

لاضاعت الهقوه تموت المشاريه
ماكنها الا ثلج في كفي.... وذاب

حتى ردي الساس يفخر بماضيه
في وقت ساوا الناس بين الانساب

وش عذر من صدق كلام ....يغذيه
لاصار منهو يدعي الصدق كذاب

علمت نفسي درس مانيب ناسيه
ماقيل لي ولا حفظته من كتاب

لاحدني وقتي على شي مابيه
اعز نفسي ومنة الناس بتراب

الله يرجع كل غالي...... لغاليه
والله يلم الشمل مابين الاحباب

اللي يبي الفرقا عسى الله يهنيه
ماني ورى المقفي مطارد وطلاب

لو كل من قفى بتبع ...... خطاويه
مافارقت عيني مواليف واصحاب

ياصاحبي ماعاد لي شي اداريه
بيني وبينك مابقت كلمة ...عتاب

اللي يحز بخاطري ليه بس احاتيه
ماهوب يستاهل شقا وحرقة اعصاب

الظن لامن خاب لاتقولين لي .. ليه؟
وش فايدة تفهمين الظن..... لاخاب

كنت احسبك بستان محد يجي فيه
واثرك محل منبني فوقه..... اطناب

اموت ضامي واحضن الهم واخفيه
ولا آرد الما لامن شربت منه كلاب

ولو كل شي بخاطري رحت اسويه
وش عاد اسوي لمن خاطري طاب

سلمت اناملك اختي بسمه

بسووووومة

يا سااااتر ليش هالتشاؤم

قصيدة رغم الألم اللي فيها الا انها جميلة جدا

الله يدوم عليك السعادة يارب ويبعد عنك الألم والحزن

شكرا جزيلا لك أختي الغالية

تحياتي لك

[ندعوك للتسجيل في المنتدى أو التعريف بنفسك لمعاينة هذه الصورة]

عاااااااااااااااااااااااااشو كللش حلوة

الطبيعه 2
البرنس
ملاكي الروح
[ندعوك للتسجيل في المنتدى أو التعريف بنفسك لمعاينة هذا الرابط]

عسى ربي يحفظكم من كل شر
منورين يا بعد كل من غاب

جدا رائعه وحزينه يسلمووووووووووووووووووووووووو

التوقيع
[ندعوك للتسجيل في المنتدى أو التعريف بنفسك لمعاينة هذا الرابط]

ربي يسلمك يا غالي لاثمان

منوووووووووووووووووووووووووووووووور