ثمآن سنين اجي نفس المكآن بسآعه المغرب ..!!

على الموعد بـ ( لهـــفه ) جيت لامانع ولا تأخير ..!
لفيت من العصر هايم مع إن الموعد المغرب ,,

وجتني بس مدري ليـــه شعرت الجيه هذي غير ..
وهي تقرب من عيوني شعرت إن الممات أقرب ..!

وقلت الله يهونها عسى في جيتك لي خير ..!؟
أنا من شفتك أقبلتي وأنا خايف ومستغـــرب ..

على كثر الحكي مدري .. كأنه خانها التعبير ..!
وقالت لي جمل وأشياء لاتكتب ولا تعـــرب ,,

هدت فجأه تطالعني وأنا في حاجة التفسير ..!
لجل نحكي بهدوء أكثر سألت : الحلوه وش تشرب ..!

فصاحت بي أنا أحبك ولك في هالحشا تقدير ..
وتدري إن المثل فينا وفي إحساسنا يضرب ..

وكنت إنت الوفي وإنت البرئ من تهمة التقصير ,,
ولكن ذي عوايدهم من أيــــام وزمن يثـــرب ..!

تكون البنت لإبن العم ورغبات الكبار تصير ,,
وتدري الأقربون أولى .. مع إنك للخفوق أقرب ..!

وتدري للقدر كلمه ... ولعادات الاهل تـــأثير ..
لذا أرجـوك تتركني وأنا من واقعك بهرب ..

شعرت بحكيها كنه قصاص وأمر بالتعـــزير ..!
وشعرت الدنيا ضاقت بي من المشرق إلى المغرب ,,

مشت خلت وراها طفل .. مايدرك وش التدبير ..
يحسب إن الغرام أبيات شعر وأغنية مطـــرب ..!

ضحكت وما قدرت إني ألاقـي لضحكتي تبرير ..؟
من اللي بوقتنا مره ضحك من لدغة العـــقرب ..!

رفضت أستوعب اللي صار ولا إستسلمت للتغيير ..
ثمان سنين أجي نفس المكان بساعة المغـــرب ..

برغم إن الثمان سنين جرح وكلفتــني كثيـــــر ..!
أنا لليوم أجي أدعي .. تجي يارب .. تجي يارب ..!

أعجبتني ونقلتها

تسجيل حضور

ولي عودة لقراءة اكثر لهذه القصيدة المميزة

تحياتي

ننتظر عودتك اخي الكريم

همس الجروح

كلك ذووووووووووووووق اختي الغاليه
نتظر جديدك

بسمة الروح
نورتي غلاتي ..

الله الله يا همس الجروح

قصيدة فعلا مميزة ومليئة بالمواقف المؤلمة

قصة اثنين حالت بينهم العوايد والتقاليد وفرقت بينهم بعد علاقة استمرت لثمان سنوات

اعجبني في القصيدة مضمونها وانسيابيتها المدهشة وكذلك تمكن الشاعر من هذه القافية الصعبة

هذه الأبيات آلمتني كثيرا :

ضحكت وما قدرت إني ألاقـي لضحكتي تبرير ..؟
من اللي بوقتنا مره ضحك من لدغة العـــقرب ..!

رفضت أستوعب اللي صار ولا إستسلمت للتغيير ..
ثمان سنين أجي نفس المكان بساعة المغـــرب ..

برغم إن الثمان سنين جرح وكلفتــني كثيـــــر ..!
أنا لليوم أجي أدعي .. تجي يارب .. تجي يارب ..!

صح لسانك أختي الكريمة وبشوق لجديدك الرائع

تحياتي وتقديري

البرنس أسير ..

نورت متصفحي جداً
وجعل يدك ماتمسها النار ..