هُذٍآ مُآهٍوٌ شِيُبٌ (يٌـــمٍـــهِ )..لآتُبٍكًيٍنٍ ,,عٌآٍدِي

هذا ماهو شيب .. لا تبكين .. ماهو شيـب يمـّه
لا يهولك منظره في راسي وتبكيـن .. عـادي !

لا يغـرّك لونـه الأبيـض .. ولا يفجعـك كَمّـه
صدقيني ماهو مـن الشيـب هـذا اللـون بـادي

تذكريـن .. أصابعـك لمـا تبعثـره وتلـمـّه ؟
يوم كنت اوسده رجلك .. واروّض لـك عنـادي ؟

كل ما مشّيتي اصبـع بيـن شعراتـي تشمّـه ..
لين صارن بيض من كبر الغلا وطُهـر الايـادي !

شرّعي لي حضنـك الممطـور بالمسـك ابخمّـه
خمة ٍ تبرا بها روحي مـن جروحـي .. وانـادي

ما ابي مْن الناس : غير اذكـارك وريحتـك لَمّـه
ولا ابي مْن النور : غير سراجك العن به حـدادي

وما ابي مْن العز : غير اللي تحت رجليـك قمّـه
ولا ابي مْن الأرض : غير جلالك اعلن به بـلادي

ودي ارجع ( طفلك المغمور ) واللي كان همـّه ..
يصعد / اطول نخله .. ويشرب / من حثال العوادي

يغسل نعاسه .. بآذان الفجر ، واصـوات الأئمّـه
ويونْس الشيبان لا رتّل لهم : ( قُل يـا عبـادي )

ويسرق اول ( خبزه لصاجك ) ويخفيهـا بفمّـه !
قبل ما يصحى حدا اخوانـه .. ويحتـد التمـادي !

طفلك : اللي ذنبه انه مـا غسـل بالدمـع كمّـه
لين صار الكم الابيض من بطا دموعه رمـادي !

ودي ارجع طفل : بعض عيوبه أجمل من شيَمّـه
يوم كان أصغر رفاقه عمر .. وأكبرهـم مبـادي

ودي افتـش بتاريخـي عـن احلامـي المهمّـه
قبل ما تهزم جيوش اليـأس صبـري واجتهـادي

ودي اوشي بحزنـي الحاضـر لماضيّـي وانمّـه
يمكن انقذ جمرة سنينـي مـن المـوت برمـادي

بس وشلون اقدر ارجع ؟ ليه ما قلتي لي يمـّه ؟
ليه ما قلتي لي ان الشيـب مشتـاق لسـوادي ؟!

ليه فهمتيني ان الخـوف مـن بكـره مذمّـه ؟؟
ليه خليتيني اكبـر واحمـل ذنـوب اعتـدادي ؟؟

وين اعيّن خير يُمّه ؟؟ والأمل من غيـر يَمّـه !!
الحطب - يا ميّه - قليّـل وبـرد الليـل سـادي

كل ما غرست غصنـي سافـي الحرمـان دمّـه
واشعر اني وردة ٍ مزروعـة ٍ فـي بطـن وادي !

وانا والله ، ما رضيت بهالعنـا مـن قـل همّـه
ولا كبا غير الدروب اما انت وافـي يـا جـوادي

احمـد الله جاعـوا عيالـي وانـا شبعـان ذمّـه
ما زرعت الا الوفا والناس تاكـل مـن حصـادي

ما عرفـت الاي خـال لخالـه وعـم ٍ لعمّـه !!
يوم ما ياسع هموم القـوم غيـرك يـا شـدادي

وانتي يُمه .. لو بكيتـي شيبـي وهوّلـك كَمّـه
قلت يُمه : ماهو من الشيب هـذا اللـون بـادي

تخبرين ( الثلج ) لا منه تكدّس ( فوق قمّـه ) ؟؟
هذا ثلج .. وراسي القمـه .. ولا تبكيـن عـادي !!

هذا ثلج .. وراسي القمـه .. ولا تبكيـن عـادي !!

همس الجروح ..

صح لسآآآآآآآنك ملايين

قصيدة رائعة ومؤثرة جدا

الله يعطيك العافية ويطول في عمرك ويسلم أيديك يارب

تحياتي لك

صح بدنك اخي الكريم
يعافيك ربي ع الطله الرائعه

اختي الغاليه همس الجروح
اختيار رائع
وذووووقك عااالي
لاعدمنااااااااااااااااااااااااك
لك ودي

شكرا اااااااااااااااا

من روعة مرورك غاليتي
نورتي متصفحي ..