لا تترك ( اسألتي ) تموت ولا لقت بك ( أجوبه )

السلام عليكم ورحمة الله وبركاته
قصيده للشاعر الحساس

محمد جار الله السهلي

ألا انت سولف لي عن احوالك وخل عنك القصيـد
يعني وش اللي في غيابـك راح اقولـه واكتبـه ؟

شعري .. على حطة يدك !! في غيبتك ما من جديد
البيت من قبل اكتبـه .. افكـر انـي اشطبـه !!!

دامـك تعـرف ان الشعـر لا يقنعـك ولا يفـيـد
استوعب حضوري ! وهـو انسـآآه لا تستوعبـه!

ركـز معـي .. الله يرضالـي عليـك ولا تزيـد
الهـم هـم .. وعدّنـي ضيـف ٍ نويـت توّجبـه

ما ابيك من بعد الجفـا ترجـع لـي بقلـب ٍ بليـد
حسسني بشوقك ! ودمعك مـن عيونـك اسكبـه !

ضيّعني بشهقة بكاك .. وجيب فيني ألـف عيـد !!
بحكيّـك اللـي حافظـه ولا عرفـت ترتـبـه !!

هـي كلهـا هالساعتيـن وعقبهـا ببقـى وحـيـد
لا تشح بشعورك علي ّ ولا اتمـادى !! وانتبـه :

لا شفتني سجيت ( عنك / فيك ) جوّدني من ( إيـد
قلبـي ) ووصلنـي لقلبـك برضـاه او اغصبـه

هذي سنه ! ان ما سكنت القلب ! مسكنك الوريد !
ونفس السنه مرت ! وحقي فيـك ضايـع واطلبـه

يـا آدمـي مـدام نظراتـك باحاسيسـي تشيـيـد
لا تترك ( اسألتي ) تموت ولا لقت بك ( أجوبه )

ليه انت راضي بالعناد ؟ وبالرضى تصبح عنيـد ؟
ليه اتساهل بالجفـا ؟ ليـه الوصـل تستصعبـه ؟

وليه اتمنى الموت في بعدك واحـس انـه بعيـد ؟
وليه اشعر ان الموت في لحظة وصولك ما اقربه ؟

وليه اعتبر نفسي إذا ذبحني شوقـي لـك شهيـد ؟
ولا انت حتى الشوق لا ردك علـيّ تستغربـه !!

جاوب وريحني !! أو انسى كل شي .. ولا تعيد :
سؤالك عن شعر ٍ شطبته مـن قبـل لا أكتبـه !!

بسمة الروح ..

صح لسانك ولسان الشاعر

أختيار ممتاز لشاعر راقي وحساس

شكرا جزيلا لك .. وتسلم أيديك

تحياتي

صح بدنك مليووووووووووووووووووووووووووووووووووون
الغالي البرنس
منووووووووووووور صفحتي وبقوووووه
لاعدمنااااك