وانا مقفي وآشوف الموت واجره ,,

يمرّ الغيم ، وأفتح عيني ، وآجرّهـ
... الين ْيحك جرحي وأبكي احساسي

وأوادع كل راحه وأرجع اتشرّهـ
... على ثقل القرار وما صنع باسي

لأنّي ما فقدتك لو ربع مَرّهـ
.... انا يوم افترقنا فاقدٍ ناسي ....

أحس بــ ( لا شعور ) ولسعة الحرّهـ
ولكن لا ذكرتك وانت متناسي ......

... هذاك اليوم ، كنّي بالعٍ جمرهـ
اغص آبعتذر لك ، والبلا ياسي ....

... يقول انسى القضيّة واكفني شرّهـ
مثل ما ذقت كاسه عبّ له كاسي ! ....

وأنا مقفي ، وأشوف الموت ، وآجرّهـ
وأطيح بـ شوق ، وأرجع وألقط انفاسي ....

تقل كنّي يتـــيم يعانق الحسرهـ
بعد ما رحت وانت مكفّن احساسي !!....

فمان الضيق ، روّح والوعد بكرهـ ،
مصير القاسي ايعتّب ثرى قاسي .....

وانا ما عادني شفقان عالنظرهـ
انا شفقان عقلي يرجع لــ راسي !! ....

~ بسمة الرووح
لبى قلبي

صح لسااااااانك يا بسمة الروح

قصيدة من أروع ما قرأت منذ فترة

مليئة بالشجن والأحاسيس الجميلة

تسلم الأيادية بسووومة

تحياتي

الله يحفطك يا البرنس عل تنويرك صفحتي
ياسيد الاحساس يا راقي