يابوي ليه تبكي كل ماشفتك وعينك لي

يابوي ليه تبكي كل ما شفتك وعينـك لـي
تخاف أموت يابوي ... وقبل الموت تبكيني

تكفا يابوي لا تبكي وأنا موجوده معـــك
أجل بعد الرحيل أشلون في قبري توطينـي

ابوي لو تموت الناس ماتسوى دموعـك ذي
وأنا يابوي ميت قبل أموت وأنـت محيينـي

قسم بالله يابوي لجل عينك شربـت الغـي
جرعت الهم والحرمان وبحر الويل يسقينـي

تحملت السنين اللي طوتني في عاذبي طـي
وصار الجمر بكفوفي .. وتحت أقدام رجليني

يابوي ماعلى عمري حسافه ولا بقا بي شي
ولكـن بطلبـك يابـوي تكفـا لا تخلينـي

يابوي مابي غيرك يغسـل جثتـي بالمـي
وتكفا قبل لا أتكفن .. يابوي فكلـي عينـي
وخذهااا لك
وخذهااا لك
وخــذهاا لك؟؟ وخــذهاا لـــك
وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي
وتأخذني على قبري وتكسب أجرهـا فينـي

وأذا جيت القبر يا بوي نزلني شوي شـوي
ووجهنـي لبيـت الله .. وقبلـه المصلينـي

وحط الطين وأدفني وعز اللي يعـزي فـي
ثلاث أيام يابـوي .. يواسـوك المعزينـي

ورابع يوم يا بوي تذكر .. ضحكتي وعني
تذكر وش كنت أقول يـوم أنـك تنادينـي

تذكر جرة الموال وصوت في حبالـه كـي
تذكر يوم أغني لك قصيدي وانت توحينـي

تذكر ضــــحكتــــــك
تذكر كم قصيدة خافيه مـا بينـك وبينـي

تذكر كل شي كان وأذكر يـوم انـا حـيه
ولكـن أسالـك بالله يابـوي لا تبكيني ,’,

[ندعوك للتسجيل في المنتدى أو التعريف بنفسك لمعاينة هذه الصورة]
تحياتي وتقديري
بسمة الرووح

زائر

صح نبضك يابسوومه

قصيدة مؤثرة جدا

دمتي بألق لايفارقك

بسمة الروح ..

صح لسانك على هالقصيدة

عشتها حرفا حرف وقرأتها بدموعي ونضات قلبي

حزينة جدا ومؤثرة للغاية

تسلم آياديك يا سوومة

تحياتي لك

[ندعوك للتسجيل في المنتدى أو التعريف بنفسك لمعاينة هذه الصورة]

اختي الغاليه سمو الاميره
[ندعوك للتسجيل في المنتدى أو التعريف بنفسك لمعاينة هذه الصورة]

اخي الغالي البرنس

كل الشكر على تنويركم صفحتي

ورابع يوم يا بوي تذكر .. ضحكتي وعني
تذكر وش كنت أقول يـوم أنـك تنادينـي
ياااه اثرت فيني كثير
كلمات صااادقه وموثره جدا
سلمت اناملك

اختي الغاليه توووته

الله يحفظك منووووره صفختي وبقووه