أنـــــــا رهيــن الــوود والحــكــم بيديـــــــــك .....

ياللي سألت املوع القلب وش فيـك؟
......................... كبرت عليه المشكلـه مـن سؤالـك


ناظر تقاسيمه علـى الوجـه تنبيـك
......................... إنه مـن اسبـاب الغيـاب إمتهالـك


هذي تراهـا عـن تساؤلـك تكفيـك
......................... وعن قولتك.. ماذا دها اليوم حالـك؟


اقسم برب البيـت ماهـوب خافيـك
......................... إنـك جـروح القلـب وإن الغلالـك


واني رهيـن الود..والحكـم بيديـك
......................... وإنك ظلمت.. وصاحبـك ماشكالـك


وإن العنـا كلـه نتيجـة تجافـيـك
......................... وإن الصبر :-همٍ ..يفـوق احتمالـك


وإن العـذاب يمرنـي فـي تحديـك
......................... وإن الامل لونه من الطيـش حالـك


نبضه قتلتـه لاجـل خاطـر تجنيـك
......................... ارضيت في قتلـه تغطـرس دلالـك


ماعاد باقـي شـي واقـول يمديـك
......................... دام الامل قبره على اطـراف شالـك


ارجيك!؟؟ماقصرت كم لي وانا ارجيك؟
......................... كم لي وأنا اسـدد ضريبـة جمالـك؟


اتعبت ثـم ارهقـت قلـبٍ يناجيـك
......................... واليوم عايف ثـم عايـف وصالـك


اكذب عليك إن قلـت بكره..وناسيـك
......................... واكذب عليك إن قلت روحـي حلالـك


اللـي بقالـك ماشفـع لـك تماديـك
......................... واكثر من الذكرى وش اللي بقالـك؟


تسلطنت ذكـراك فـي قلـب مغليـك
......................... في صـورةٍ صعبـه تمـر ابخيالـك


انا رضيت البعد.. وش عاد يرضيك؟
......................... قبلـت فالـي وانـت روّح بفـالـك


ولاعاد تسأل موجع القلب وش فيك؟
......................... يجـيـك ردٍ ماينـاسـب سـؤالـك

وتحياتي لكمـ

بسووومه

اسير

سمووو
يسلمووو على مرووركم ووتنويركم صفحتي

وتحيااتي لكمــ

ولا حرمنا الله من تواجدكم الدائم