لا تجاملـــــــــــــني مخــافــه.....

(لاتجاملني مخافه)

من بغا الفرقا لقاله عذر وأسباب ودليل
خل عنك العذر والأسباب دام الحب ضاع

كان ودك بالفراق أبشر عسى عمرك طويل
لاتردد وأنت لك كلمه ولك أمر مطاع

لي عليك إنك تنطق بكلمة تشفي الغليل
ولك علي إني لأوقف وقفة الرجل الشجاع

لاتجاملني مخافة قال مدري خوف قيل
عمر هرج الناس مايسمن ولايغني جياع

كان قصدك سر حبك أوعدك لأصبح بخيل
وأحمل أسرارك معي للموت قدر المستطاع

بس قلها قل ماحبك وأبشر بصبر جميل
لاتحسب إني مثل من طبعهم لوي الذراع

صاحبك ماهو كذا ياصاحب القد النحيل
صاحبك طبعه غريب وغربته غربة طباع

في الهوى مايقبل الحل الوسط ولا القليل
مثل ماهو لاشرى يشري ليا من باع باع

ثابت لو تميل الأرض حدره مايميل
ولاكره حتى فحياته مثل كره الإنصياع

كم تعلم من سحاب الصيف وش معنى الحصيل
كم تعلم من ليالي البرد وش معنى الضياع

إيه أنا هذا طريقي موحش وصعب وطويل
وأنت لامنك تعبت العالم فجوجه وساع

إعتبرني في بداية سكتك عابر سبيل
ورح وأنا قلبي معك من وين وجهت الشراع

يكفي إني لاذكرت في سالفة عشاق قيل
عاشر أحبابه شجاع وفارق أحبابه شجاع

مع تحيات بسوومه

صح لسااااانك يا بسمة الروح

قصيدة كلها شموخ وكبرياء

كل بيت فيه عن قصيدة كامة ويستحق الإشادة

يسلم الذوق

تحياتي لك

منوووووووووووور يا البرنس
مشكوور على مروورك العطر

بسمه الرووح
صح لسااانك..
وسلمت الاياادي..
واهنيك على ذائقتك الحلوه..
دمتي بحفظ الرحمن
تحيااتي لك..
ميمي

اختي الغالييييييييييييه ميمي

كل الشكر والتقدير على ردك المميز
والله لايحرمنى تواجدك في كل صفحاتي