قالوا علامه ؟؟

موضوع: قالوا علامه ؟؟ الأحد ديسمبر 30, 2007 1:25 pm

السلام عليكم ورحمة الله وبركاته
هذه قصيده غزليه وآمل أن تنال على إعجابكم

قالوا علامه سايله دمعـة العيـن***هو بك بلا وإلا خفوقـك هـواوي
قلت إيه قلبي عنده الهـم هميـن***من كل هم وغـم يانـاس حـاوي
قلت إيه قلبي فارق اليوم غاليـن***ولاهو على فرقى المحبين قـاوي
بروي لكم ماصار والحادث الشيـن***بروي وكنه يكوي القلـب كـاوي
قالت وداع وقلت ياغاليه ويـن ؟؟***والعلم عندك بإن قلبـي شقـاوي
يابو شفاة(ن) تعطي الفـم تلويـن***جمر(ن) مثل لون الشفق يانـداوي
وليا وصلتي جات ريـح البساتيـن***عطر(ن) مثل ريح النفل بالصداوي
ياغاليه حبيت وأثر الهـوى شيـن***الحب مايرحـم ولا هـوب يـاوي
أرويت قلبي حيل وأنتـي تخبريـن***زلال حبك وأصبـح القلـب راوي
قلت إن قربك يبعد الهـم والبيـن***لكنهـا خابـت جميـع الهقـاوي
هو ليه عقب العشق ياشوق تجفين***وأنا الذي ماني على الصد نـاوي
حالي كما اللي سممتـه الثعابيـن***قدام جرف .. ويسمع الذيب عاوي
إما يموت بسـم .. وإلا خياريـن***ماكول .. أو بالجرف ياشوق هاوي
بس اسمعيني واسمعي كلمتي زين***كلمه ولاني في كلامـي مـراوي
البيـت مايوصـف بليـا عناويـن***والجـرح مايبـرى بليـا مـداوي
طريقنا ياشـوق يصبـح طريقيـن***وانسي بعدها نلتقـي بالخطـاوي
خلاص أنا بهجـر دروب المحبيـن***وأظن ماني في دروبي ب غـاوي
بانزع خفوقي واتبعـه بالشراييـن***وآبدله قلب(ن) من الحب خـاوي
وآبشـرك لـو للمحبـه نياشيـن***تصويب قلبـي للمحبـه سمـاوي

وسلامتكم

الشاعر / بشير العنزي

صح لسانك مليوووووون ولا يكفوووووووووون

تصويرك لهمومك جسدتها في قصيدة تحتوي على صور حزينة أقل ما يقال عنها

راااااااااااااائعة

لا تطول علينا الغيبة ،،،،،،،،،،، ونبي مثل هالمستوى وأحسن

صح بدنك يالغالي

هذي شهاده اعتبرها وسام على صدري

من شاعر متمكن بحجم عبد الله الوشمي

لاهنت يالغالي