انا آسف على ازعاجك رجيتك تقبل الاعذار

بسم الله الرحمن الرحيم
السلام عليكم ورحمة الله وبركاته
كيفكم...

انا آسف على ازعاجك رجيتك تقبل الاعذار
تجمّل بالذي يكتب حروف الشعر من دمّه

هداك الله لو تعرف غلاك وكم لك مقدار
تضيع بحب من حبّك وترمي حالتك يمّه

أنا مالي أحد غيرك أحبّه واكتب الأشعار
ولا غيرك سكن قلبي وخلآ الحال منسمّه

أنا من بعدك بغربه ولو الناس حولي كثار
لك الله ضقت من نفسي ولا ابغى الناس واللمه

ألا يافرحة الدنيا على دربك خفوقي سار
رجيتك يابعد عمري تكوني فيه مهتمه

أعيش بقربك بجنّه وفي بعدك أعيش بنار
أنا المهموم من همك وجالك يشتكي همّه

حياتي شاقني وصلك رجيتك داخلي منهار
على قلبي من غيابك هموم الكون ملتمّه

إهداء خااص

آه .. من ضيق النفس .. لا صارت اللقيا محال
وآه .. من جور القلوب اللي تزيد [ غيابها]
وآه .. من صدق الظنون اللي تخيبها [الرجال]
[ آه ] كلمة انتهت بي .. ما عرفت ابدا بها !!
خايفه مثل الوحيده .. ضايعه بين احتمال
احتمال الروح تفنى .. واحتمال اشقى بها
آتظاهر بالسعادة والمدامع راس مال !
الهموم اللي بصدري ليت اعرف اسبابها؟
مادريت ان القلوب تضيق من قل الوصال
لين شفت الشوق بيدينه يتل ارقابها
ولا هقيت اني احبه عدّ همّال الخيال
لين شفت ان الكرامة زودت بعتابها
ليلةٍ فيها ضعفت ولا غدا فالحال حال
ايه بعد القرب صرنا من عداد اغرابها
ان سمعت الصمت ليلة لا تشاغل بالسؤال
بنت أهدتك المحبة والغلا ما عابها
وقّفت عند الخطيّة ما تعدّت بالمجال
لا تخون ولا تعيب ولا تهون اقرابها
اه اه اه اه يوم فيها نويت الاتصال
دمعتي من بعد صوتك ما حسبت حسابها

الغلا كله ..

اشتقنا لقصائدك واختياراتك المميزة

قصيدة تنبض بالشاعرية والأحاسيس المرهفة

صح لسانك يالغلا .. وسلمت يمينك

والف شكر لك على هذا الإختيار المميز

تحياتي وتقديري

بسمة الرووح

البرنس اسير

تشكرات على تواجدكم في صفحتي

وتحياتي لكم

ودمتم بووووود