ودي اذكر كيف كانت ضحكتي لامن فرحت

صعب لآ منڪ فشلت وصعب لآ منڪ لقيت
إن من يڪره نجاحڪ يدري إنڪ مانجحت ..

أمس ضقت ورحت أقلب ذڪرياتي وانتهيت
عند صورة طفل صوته مثل صوتي لا انجرحت ..

وش مثل لآ والله الآ هذآ أنا يوم ابتديت
أنطق حروف تلعثم في لساني لا انمدحت ..

هذا أنا يوم الحياة بنظرتي عشرين بيت
ومسجدين ومدرسه من طين كم فيها اصطبحت ..

هذا أنا وأصبحت أتمتم هذا أنا حتى بغيت
أختنق بس القدر عيا على موتي وطحت ..

وصاح صوت الطفل فيني انت من وين ارتميت
قلت أنا المستقبل اللي فيه ڪم همت وطمحت ..

أمس ڪنت أبيڪ تڪبر بس والله لودريت
اني اللي عشت لجله مت عندڪ واسترحت ..

لودريت ان الزمان يجر رجلي ماعديت
ولودريت ان البحور بلا مواني ما سبحت ..

كان دربڪ لي طويل وڪل ماشفتڪ هويت
قلت لڪ ڪبوة جواد وماڪبيت الا وجمحت ..

ليه تسمعني وتمشي ؟.. آآآآآهـ ليتڪ ما مشيت
وآهـ ليتڪ من ڪثر عثرات الأيام انتصحت ..

ضاعت أحلامي وظل الحزن فيني واهتديت
للطريق اللي يوديني على دمعي ورحت ..

يالحزن ليتڪ مثل دمعي وتنزل لارقيت
بس أعرفڪ لو مسحت الدمع تبقى ماانمسحت ..

ڪآن حلمي في وجود انسان يبڪي لابڪيت
وصآر حلمي في وجود انسان يفرح لافرحت ..

ڪنت أشوف الناس مثلي ڪل ماجعت وضميت
مادريت ان الأوادم ناس فوق وناس تحت ..

آآآآهـ يااول ذڪرياتي خذني بحضنڪ نسيت
بسألڪ عن وجه أبوي اللي معه ياما سرحت ..

خذني بحضنڪ أبغفى ـآ ياااهـ مبطي ماغفيت
وان لمحت دموع عيني سوي نفسڪ ما لمحت ..

خذني بحضنڪ وبعثر في جروحي وان قضيت
هزلي ڪتفي وقل لي عيب تبڪي لو سمحت ..

اضحڪ وعلم زماني من أنا من وين جيت
طق باب الحزن و اصرخ فيني لامني فتحت ..

وضمـــني يمگ وڪمل ضحگتڪ لامن بگيت
ودي أذڪر گيف ڪانت ضحڪتي لامن فرحت ..

,’

ڪلمآت آع ـجبتني ,,

وآحببت آن تشآرڪوني الاعجآب ..

تحيـــــــــــــــــاااتي .....

قصيدة مذهلة جدا يا بسووومة

صح لسانك ولسان قايلها

واللي يعجبك أكيد بيعجبنا

مشكورة وتسلم أيديك

تحياتي

والك احلى تحيه
على مروووورك العطر

زائر

وااااااااااااااااااو يابسمة الروووح

هذه القصيدة بالذات أعشقها بجنون ولايمر وقت إلا أسمعهاا

لاأعلم ربما لقوة تعبيرها ودقة معانيها

وعاطفتها الجياشة بالصبر والتحمل

المساعد شاعر عاطفي ويرسم من الدموع غيمات شعرية باكية

لاعدمت ذووقكــ دوما صاحبة الإمتياز وذووقكـ عالي

موفورة السعادة

اشكر لك اختي الغاليه على مروووك المميز
وجودكي يزيد موضوعي تالق

صح لسانك وعلى شانك

كلمات في منتهاا الرووعه

تحياتي لك
وتقبلي مرووري

مشكووووووووور
مرووووووورك يزيد صفحتي تالق