ابي اصرخ وابلغهم واقول ان الفرح خوااان

||||.. آبِــيِ آصْرَخْ وَآبَلّغْهُمْ وَآقُوُلْ آنّ آلـ(فَ)ـــرَحْ خَوّآآآنْ ..||||

أبي ابكي من الضيقة وابعزف للهموم ألحان

أبي اطلق مواويل الحزن وبطرح كل دواويني

..
..

أبي أشكي أبي احكي ابوصف للبشر حرمان

أبيهم كلهم يدرون أبيهم يشعــــــــــروا فيني

..
..

أبي لا من طرى اسمي بكى من لوعتي شيبان

أبي لامن طرى"عاشق" ذكر من كان يغليني

..
..

أبيهم يذكرون أني صرت بدمعتي غرقــان

أبيهم يعرفون الهم هواللي صار يخاويني

..
..

أبي أصرخ وأبلغهم وأقول أن الفرح خوّان

يجي مرة معاي و هو طول العمر ناسيني

..
..

أبي اترك لهم قصة وأخيّرهم على العنوان

يسمّوا "حزن "يحطوا "دمع" ..ما عاد يعنيني

..
..

أبي لامن وصل صوتي يحس بضيقتي إنسان

أبي لامن نزف جرحي لقيت اللي يداويني

..
..

أبي شخص يجي يمي و يقفل للعنا بيبان

أبيه يكون لي خلٍ وعلى حزني يواسيني

..
..

أبيه لمركبي مرسى وأبيه لغربتي أوطان

أبي لامن ذرفت الدمع لقيته لي يعزّيني

..
..

أنا ما أبيه يصبح ضلع أبيه يكون لي ضلعان

أبي لا من مشيت وطحت يحط يديه في يديني

..
..

إلا من خانني التعبير أبيه يكون لي لسان

أبي لامن سكتْ ألقاه ..يفهم من نظر عيني

..
..

أبي لا من تعبت وضقت يلم الروح بالأحضان

أبيه يكون لي كتاب إذا ضاعت عناويني

..
..

أبي أعشق وأبي أغرم وببني للهوى بنيان

أبيه يكون مبنى ضخم ويسكن فيه مغليني

..
..

أبي واحد يسكن بي وابطرد لأجله السكّان

أبي يسكن وسط قلبي وعمره ما يخليني

..
..

أبي أشعل شموع الحب وبأعطي من الغلا بستان

أبــي أهـديـه بـاقـة ورد .. مـسـقـيـهـا شـراييني

..خاااااااااااااااااص
انتظر ردووودكم اختكم بسمة الرووح..

صح لسانك يا أختنا الغالية بسمة الروح

قصيدة في منتهى الجمال بلا شك وكعادتك

شكرا جزيلا لك ودمتي بخير

تحياتي وتقديري

[ندعوك للتسجيل في المنتدى أو التعريف بنفسك لمعاينة هذه الصورة]

أبي واحد يسكن بي وابطرد لأجله السكّان

أبي يسكن وسط قلبي وعمره ما يخليني

يسلموو على هالصيده الحلووه

وصح السانك وعلى شانك

وتحياتي لك
وتقبلي مرووري

ودمتي بحفظ والله ورعايته

مشكوووووووووور
الله يحفظك على مروووووووووورك العطر

زائر

صح لسانك بسوومة

فعلا رووعه

وجودك يا الغاليه في صفحتي رووعه
مرووووووووووورك دوووووم مو يووم