الاكلاآت المكاإوية ومناسباتهاآ السنوية

مرحبمبكم يآ حبآيبي اليوم هرجتنآ غير ،، تحكي لنآ اصآلهـ وتآريخ المكآويهـ
عن عادآت وآكلات وتقاليد مر عليهاآ سنين ودنين
والى الاآن الحمد لله جيل ورآ جيل متمسك فيهآ
وموضوعنآ اليوم عن

الأكلات المكآوية

· الأكلات المكاوية لها طعم ونكهة ونشأة
واللي يحلي الأكلات ويطعمها زيادة إنو لكل أكلة مناسبة تتعلق بيها
وما ناكلها إلا في المناسبة حقتها
نحنا كدة المكاكوه وبالزات العتقية القدم لنا تصانيف وتباتيك
· في الاكل والشرب مايعلم بيها الا الله عز وجل
ماشية معانا من أيام ما فنو الأوادم
والعهدة على الراوي
أقروا الموضوع ومخمخو وبعدين قولوا رأيكم عن هادي العادات

طيب يا سيدي انت وهو والكلام للجميع
الأكلات المكية ترتبط بعادات ومناسبات يعني كل اكلة ولها مناسبة زي أيش ؟؟؟
هيا خدو عندكم ....
الرز بحمبص و السقط و المعرق أو المختوم و الششني
· هادي الأكلات خاصة بالعزا وزيادة في التوضيح
اليوم الأول والتاني والتالت يطبخو الرز البحمبص واليوم التالت
· اللي يسموه قطع العزا يسوو الششني والمعرق والمختوم والسقط
الكابلي أو الزربيان و السمبوسك و الطورمبة
· هادي يسووها وقت المناسبات والأفراح للرجال
أما الحريم يجيبولهم الميز طبعا زمان أول مافي لا ميز ولا يحزنون
· ياكلو من نفس أكل الرجال بس يسوو قليل بريك
· او بف بالجبنة والا باللحمة شغل بيتي يعني واللي تعرف تسوي
· كيك بالبرتكان او الموز تسوي صينية علشان يحلو بيها
بعدين جانا الميز والشغلات الجديدة هادي

المعدوس ( الرز عدس ) هادا يسووه المكاكوة يوم الغيم والمطر
· ومعاه روبيان مكشن بالقوطة والبصل والفلفل الأخضر وزلطة حمر
وكيف لو كنا ساكنين في بلاد الخواجات على كدة
· كل يوم معدوس ألين البطن تسير زي الطبلة
الملوخية الخضرا هادي تتعمل في اليوم الأول من السنة الهجرية الجديدة
· على الغدا من باب التفائل إنو ربنا يجعلها سنة خضرا وخير للجميع
الحليب أبو الهيل هادا برضو كمانة ينشرب في صبحية
· أول يوم في السنة الهجرية الجديدة
السليق هادا يسووه في المناسبات لمن يكون الجو باااااااااااااااااارد
الدبيازة معروفة على ما أعتقد للجميع يسووها للفطور أول يوم العيد
المعمول و الغريبة يسووها في أيام الحج
السمك مايتاكل إلا في الشعبنة علشان في رمضان
الناس ماتاكل السمك بس هيا كدة عادة
شعبنة يعني اضرب سمك وصيادية
عشرة عاشورا ( 10 محرم ) رز زربيان الحلو
و زلطة لبن أبو الفلفل
السحلب يسووه في الأيام الباردة علشان يلم العضم ويدفي
· الجتة بالزات لو فيلو شوية جنزبيل
القهوة الحلوة اللي يحطولها لوز بجلي مهروش طبعا هادي
· وقت البزورة ما ينجحو والا يسقطو يسوولهم هيا قيد ماتفرق
لو البيت فيلو خمسة بزورة ناجحين وتلاتة صاقطين رايحين يلغو القهوة الملوزة
وغير أكلات رمضان الخشاف و الماسية و مكارنة باللبن إزا تعرفوها و القطايف
· هادي ياكلوها من السنة للسنة
المجلب ( مجموعة أعشاب مخلوطة عن العطارين ) زماااااان
· ويمكن دحين مافي حرمة تنفس وتولد إلا يصنجوها مغراف مجلب علشان
· يكرت وصخ البطن والولادة وينضفها
الزلابية و اللقيمات ( اللنقطة ) أول ما ينقال اسمها نتزكر العيد والفطور حق العيد

السلالي و المقلقل و اللحم نفتكر على طول عيد الحج يندبح الطلي
· ومايبقى شي منو تبارك الرحمن
كل شي يتاكل فيه حتى الرجول يسوو بيها مقادم والمفاصل نلعب بيها كبوش
· والفروه يفرشوه على عتبة البيت زي الدعاسات دحين
· والديل نشوح البزورة بيه زي البواكير
ههههههههههههه
زي ماشفتو الأكلات اللي قلنا عليها لها مناسبة أو وقت معينه تتاكل فيها
مع انو يمدينا ناكلها طووووووووووول السنة مو مشكلة ويمكن كتير ناس هجروا
وفلتو تباتيك زمااان الا مارحم الله بس هيا زي ماتقولوا شغلة تعود
وعلى قولة المسل الله لايقطع العادة إلا بسلااامة

ونختم كلامنا بالصلاة على النبي الحبيب
اللهم صلى على محمد وعلى آل محمد كما صليت على ابراهيم وعلى آل ابراهيم في العالمين انك حميد مجيد

زائر

هههههههه

تباتيك ع قولهم بس حلو عندهم عادة محافظين عليها

وأجوائهم غريبة نوعا ما

لكن شكلها أجواء ممتعه فعلا

أسماء أطباقهم نوعا ما غريبة وبعيدة عن تصوري

ياحليلنا يالنجديين واضحين يامندي ياغوزي
يامفطح يامطازيز او جريش وقرصان وخبز مفروك
وكل السنة متشابهه

عالمهم أسيوي حيل بس جوهم ممتع

يسلمو عبوورة على كدة موضوع

يسلموو عبووره

والله من جد الاكلات المكاويه

من جد رووعه

اذكرها قبل اربع سنوات يوم ماكنت بمكه
الله يشرفهاا

وقابلت خوي ابووي وعزمني عنده

وعشاني وغداني

بس من جد رووووعه

بس عليهم اسماااء مدري وش قاايل فيها الله

بس الجد روووعه وطعم

وتشكرات خيتووو على هالطرح

وتقبلي مروووري

سمو الأميرة الغلا كله

تسلمون يالغوالي على مروركم الكريم

وألف هني وعافية عليكم

وتسلم أيديكم على مروركم الرائع والمميز

الله الله على مكة وأهل مكة وأكلاتهم

شوقتينا يا عبووورة نذوق من طبخاتهم

تسلمين على هالموضوع الجميل

ودمت بأفضل حال

تحياتي