عشق نوووفاااا إهداء خااص

إهداء خاااااص

نويت مرباع الغضي سيد الاحباب
قصدي يزول الجرح زاد التهابه
جيت وبقايا نارهم حول الاطباب
وبيت الشعر مطوي وباقي زهابه
اقفت ركايبهم ومني الهدب داب
من دمع يسال وانذهل بالاجابة
على غزير الدمع ضميت الاهداب
صبيت لين الدمع يقفي سحابه
بعض الوجع يمكن تداويه الاعشاب
وبعض الوجع يا ويل منهو سطا به
عشق نوووفا لا حب ما هوب بكذاب
يوفي ولو جرحه تجدد صوابه
واليوم وصلت بيننا مثل الاجناب
ذاك الغلا يا ضيعته يا سفا به
باكر الا جينا لهم مثل الاغراب
من عقب ما كنا الاهل والقرابه
الامر لله وكل شي له اسباب
ولا الهوى وش لي على هج بابه
وشلون قلبي ما يجي منه منصاب
على الرجم منقوش بعض الكتابه
حتى اثر مشيه مع سهول وهضاب
مرن يبين ومر ما يندرابه
قلبي من الفرقا صويب ومرتاب
كنه غدا نصفين من هول ما به
حزني عليه انه تسبب و لا طاب
نظرة طبيبه عجلت في ذهابه
ريح الخزامى والنفل زين الاطياب
ويشدني ريح السمر في ثيابه
لاقبل نسيم الليل له خيل وركاب
وله في طلوع الشمس عز و مهابه

وتقبلووو تحياااتي

[ندعوك للتسجيل في المنتدى أو التعريف بنفسك لمعاينة هذه الصورة]
تسلم يااا الغالي على كل بيت

ودي اقوول بس اخاف اطوول عليك بقوولي

window.google_render_ad();

السلام عليكم

ودي ارسل لك رساله فيها كل "حب وجديد"
ودي اوصف لك الحاله عن قريب وعن بعيد
ودي اكون(ساعي بريد )
وارسل اشواقي كلها واكتب اسمك بالوريد
بس البلا كل البلا ؟ لا بغى العاشق يرسل
( (وهو ماعنده رصيد ) )

اعذرنـــي ماوصفتك بالعمر
العمر وان طـــال نعرف منتهاه..
واعذرنـــي ماوصفتك بالقمر
القمر له يـــــوم يفقد به ضياه ..
واعذرنـــي ماوصفتك بالزهر
الزهر له يــــوم يفقد به شذاه ..
أنت أكبـر من حروفي والشعر
إنتـ وصـــف مالقيته بالحياه

"مغروره أنا" . .
من يوم حببتني فيك . . أشوف كل
الناس بأطراف طرفي . .
"دلعتني"دللتني"كيف أجازيك؟؟
ما عندي إلا=الحب=ليته يكفي.!
عجزت أفكر!!
ودي أعطيك وأعطيك. .
ودي (..أحبك..) فوووق حبي ووصفي!!

!!.. من يقول " أنساك " .. يكذب ما نسيتك
.. كيف وانت القلب من دونك .. عصاني
.. انت لو تظما .. من عروقي سقيتك
!!.. وانت لو تبعد .. يصير " العمر " فاني
.. وانت لو يقسى زماني .. ما جفيتك
!!.. كأن ربي عن " هوى " غيرك .. نهاني

انت القمر لامن وصفناك بالزين ..
وانت الوفي لا خان كلن خويه..
وانت الفخر ماقد طريناك في شين..
وانت الامل اللي له العين حيه..
شف خافقي ماشاف غيرك من سنين..
لا من نشدته قال " مافيييه زيه""

عرفتك صادق الإحساس
عرفتك غير عن هالناس
تداوي الجرح..
تجبر خاطر المجروح..
حنون القلب..
وكلماتك ترد الروح..
تعطي ولا تأخذ أبد..
وما أظن فيه مثلك أحد..
أنت بحر ماله حدود..
أنت عطر كل الورود..

عجزت أدور بالرسايل تعابير
لجل أوفي في غلاتك قناعة
عاكسني الحرف واعجزتني تدابير
ومن يقدر على دبرة الرحمن ساعة
أثر الغلا ما ترسمه لك تصاوير
غلاك في قلبي مطبوع طباعة

صرت قلبي وعيني ومهجتي والكيان
صرت ذاتي ونفسي صرت مني وفيني

صرت دنياي كلها والزمن والمكان
وش بقى فوق حبك غير ربي وديني

ضمني في ضلوعك ضمني في حنان
وأمسح أدموع طرف طول عمره حزيني

وأسقني بالمودة والوفا والأمـــــان
وخلني احيا بقلبك مابقى من سنيني

حبك علي غالي ولا فيه تبديــــل~
لو الثمن روحي لعيونك بذلتـه~
شوقي لك ما تفيد فيه المراسيل~
ما ينفع المشتاق حرف كتبته~
أبيك عندي نقضي الوقت تعليـــل~
وانسى أنا وياك هم درســـــــته~

امنتك الله لا يطول غيابــــــــك ~~
وش تنفع الدنيا بليا وجـــــودك ~~
يمكن غيابي ما يسبب عذابك ~~
لكن عذابي يا عذابي صدودك ~~
حاسب ضميرك لا تعجل عتابك ~~
وين الاماني وين باقي وعودك ~~
غالي وتبقى غالي في غيابك ~~
لكن تزود من الغلا في وجودك ~~

عجزت اصبــــــر ماتعودت فرقـــــاك
في غيبتك ماني علــى الصبر قاوي
وين انت عني؟؟ وش حياتي بلياك؟
عقبك حيـــاتي والممات متساوي
زولك معــــــي دايم وطيف وذكراك
والقلب ماله غير قربــــــك مداوي

آآآه أحبك موت,,
لو يموت الصدق فأحضان السكوت,,
والزعل يسكن بيوت,,
والفراق يصير عادي,,
والكذب في كل وادي,,
ويصير الأبيض رمادي,,
والفرح يلبس سواد,,
ويعلن على الحب الحداد,,
مايغير فى فؤادي,,
أقولها بمليون صوت,,
آآآآه أحبك موووت,,

بسألك واسمع سؤالي ..!
ليه بس أنـت اللـي غالـي؟؟
رغم هجرانك وصدك ..!
صورتك دايم فـي بالـي!!
ليه تبي تفرض حضورك؟؟
وأعشقك وأعشق غرورك؟
من أجل ما أجرح شعورك..!
راضـــي بهذا التعالـي!!
ليه لو أطلب أشوفـك؟
تمنعـك عنـي ظروفـك؟
وأقبل أعذارك وخوفك..!!
وابقـــى بشوقـي لحالـي!!

وش هالكون بعدك
علمني وش يكون؟؟
وش هي الدنيا بدونك غير صمت وسكون!
الصبح شاحب!
والليل تملاه الظنون!
والزوايا موحشه!(فاقده قلب حنون)
عادي كل هالناس عندي يروحون او يجون . .
الا انت غير كل هالناس
" روحتك ماتهون "

صرت أتمنى الموت وأقول ياليت ..
ياليتني وسط المقابر دفيني
يمكن يحس بلوعتي لاتوفيت..!
ويقول باسبابي توفى حزيني..
وأن جيت قبري بعد موتي وعزيت..
يمكن ترد الروح يازين فيني..!!!

لــــك ذكريــــــات مـــــا تفــــارق خيالــــي
ياللــــي معـــي ذكـــراك روح وســـط روح
ضيعــــت فــــي وجــــه الليالــــي سؤالــــي
ودمعــــي علــى خــدي مــن الحزن مسفوح
واشيـــا كثيـــره عقــــــب فقـــــدك ببالـــــي
إنـــــي بــــلا حبـــــك عذابـــــات وجـــروح

زائر

الراقي / غدر الزمن ..!

الرائعة / بسمة الرووح..!!

صح روحكم على هالجو الرائع

رغم توجع القصائد ورغبتها بالصهيل

ألا أنكما توئمان رائعان لحد الثماله

دمتما بسعادة

[ندعوك للتسجيل في المنتدى أو التعريف بنفسك لمعاينة هذه الصورة]

ملحمة رائعة شكلها لنا ثنائي أروع

غدر الزمن

بسمة الروح

صحت أرواحكم

[ندعوك للتسجيل في المنتدى أو التعريف بنفسك لمعاينة هذه الصورة]

غدر الزمن
بسمه الروح
*****
فعلاً ثنائي رائع
كل الشكر لكم ويعطيكم العافيه
******
وتقبلا مروري
تحياتي\ميمي

غدر الزمن

صح لسانك

قصيدة في منتهى الجمال والعذوبة

مطرزة بأجمل أحاسيس ومشاعر ومطوقة بالصدق والعفوية

بسمة الروح

مجاراة رائعة لا تقل جمالا عن سابقتها

صح لسانك وعلا شانك

شكرا جزيلا لكما هذا الدويتو الرائع

صباحكم خير

[ندعوك للتسجيل في المنتدى أو التعريف بنفسك لمعاينة هذا الرابط]