زواج .. حالة طوارئ بالبيت

(الموضوع خصيصاً للي طول الليل يدق رقبه ومشغل قوووم درجني)

لما تجيك دعوة الى حضور حفل زفاف لاحد الاشخاص
فإن الحريم في المنزل يعلنون حالة الطوارئ في اليوم الموعود
فتلقاهم صافين طابور عند باب الحمام .. من أجل أخذ دش بارد
<<< لانهم مؤمنات بالقاعدة الفيزيائية
التي تقول : ان الاجسام تتقلص بفعل البرودة
*******************
ثم يهبون الى غرفة العمليات
فتحصلهم مايخلون مراية في حالها ..
** فتلقى منيرة عند مراية التسريحة تتمكيج
** وخلود عند مراية الدولاب تركب عدساتها
** ورقية عند مراية المدخل حق البيت تستشور شعرها
** وفاطمة محتارة أي فستان تلبس
وكلما اختاروا لها فستان .. قالت : لا .. قد شافوه عليّ
** ورغد تترجى اخوها : تكفى ود فستاني للمغسلة
وقول لهم يخلونه مستعجل
** وابتسام متوهقة مالقت الحلق اللي يناسب لون فستانها
** وشوق تقول لاخوها : تكفى مر على جارتنا
وخذ من عندها الاكسسوار التفاحي
** وهنوف .. انفرط سحاب فستانها .. وتبي الخياط يصلحه
<<< والله من السمنة الزايدة
*****************
وصجة .. ولجة .. وحوسة …
وكلهم في سباق مع الزمن ..
( طبعا ياعيني عالرجال .. ثوب وشماغ .. وانتهت السالفة )
************************************
بعد ذلك .. يركبون السيارة بعد ما بح صوت ابوهم
وهو يناديهم ..
** والمصيبة اذا اخذوا مسافة بالسيارة وجتك فاطمة
تشهق شهقة قوية .. ويقولون : اشفيييييك
وترد عليهم : نسيت شنطتي تكفى يبه رجعنا للبيت
********************
وبعد عناء طويل يصلون الى القصر ويدخلون
******************
ومن يوم تبدأ الطقاقة بقرع الطبول
تلقى الوحدة تهزّ .. وتهتز وهي لسّا باقي على الكرسي
**********************
ثم يتوافدو ن الى المسرح .. وشف الرقص كيف
** اللي تحط رجلها من شرق المسرح الى غربه
ولا احد يدري اش بلاها
**********
** واللي تهز وهي واقفة مكانها بركاااادة .. وعلى بالها أنوثة ..
******************
وتعال شفهم اذا غنت الطقاقة .. ( يالتكسي )
وقالت : وخذ يمين و بعد يمين ..
تلقا الحريم فعلا ماخذين اللفة يمين في يمين
<<< طبعا من غشامتهم .. يتصاقعون في بعض
************
والوحدة فيهم بتتشقق من الفرحه اذا جت الطقاقة بجنبها
وقالت : يا احمر يا احمر .. عاشو .. على قلبي
<< طبعا الافندية فستانها احمر ..
*****************
** وتلقا ثنتين هناك يرقصون نفس رقص العراقيات في عرب شمّر
وطبعا العجايز منصدمات .. ومافيه الا قوة دعاوي على هالبنات
**************
** واذا جت اغنية مصرية ..
تلقا الاغنية والايقاع في وادي .. والرقص في واد آخر
الا من رحم الله ..
<< واللي تعرف ترقص مصري .. تلقى البنات يتشحثونها تقوم
وهي ترفض ..
طبعا من حقها .. تخاف يصكونها بعين على كيفك
***********
والوناسة اذا قالت الطقاقة : ( رقصة خاصة لاهل العروس )
تلقاهم يستلجون اذا قالت : ( كل آل ‘ فلان ‘ خيّالة )
<<< وهم في الحقيقة .. لم يركبوا حصانا قط ..
بس يالله لزوم المدح

ههههههههههههههههههههههههههههههههههههه

مقال خطير يا عبير

يمكن يقلب بنات حواء عليك

شكرا لك وسلمت يداك

تحياتي

زائر

هههههههههههههههههههههه

ايوه اشوى كل البناات مثلناا

ابوريه ابوي عشان مايقول
انتم مو صاحيين الناس بدقيقة تخلص وانتن 2يومين تتجهزون للحفلة

هههههه
يسلموو (مشكلة اللي تنسى روجهاا بالبيت وشاريته بالمبلغ الفلاني
ولالافة المولات كلهم عشان تحصلة

وتقول رجعوني ابي رووجي نسيته

(مااحدن بيعطيه وجه ويقولون اقول

لاتلحسين روجك ولاتاكلين شي عشان مايمسح هعهع

ابو النصيحة بس

يسلمووو احلا موضوع والله

وكل عبير كلهم لافرق الله شملهم

ههههههههههههههههه

ههههههههه

وانتي صادقه ما جبتي شي من بعيد

ما ادري هي تناحه او تفهيه
او غبااااء

اللي في بعض النسااء

من جد انا من النوووع اللي ينكرف إذا كان فيه زواج

تدرون ليه

لاني اتردد لبيت مابين خمس لغشر مرات للبيت

وكله بسبب

جزمات وانتم بكرامه

او فستان

او غيره

يعني وبصراحه كرهت الزوجات ولمنه صار فيه زواج

اروح اسافر او اطلع للبر

كله تهرب من المشااوير

واللي يصير داخل عااد بصالة الافراح

حدث ولا حرج

على قولتك

لمنه اسمعن ياتكسي

قامن يتصافقن ببعض

يقالهن يعرفن يرقصن
وهن من جنبهااااا

خخخخخخخخخخخخخخخخخخخخ

وتسلمين يا عبووره على هالموووضووع

وسلمة يداتس

اخووتس
هيمه