أول قصيدة لي في هذا المنتدى

السلام عليكم ورحمة الله وبركاته

بعد أن فتح المجال أبو تركي علينا بقصيدته

أحب أن أضع هنا أولى مشاركاتي الشعريه في هذا المنتدى

وهي عبارة عن مرثية في خادم الحرمين الشريفين الملك فهد بن عبد العزيز رحمه الله

القصيدة

علمن قريته ياعرب صبح الاثنيــــن ** قلت آآآآه واعزاه مما قريتــــــــه

علمن قريته والخبر ياعرب شيـــــن ** فقدان شيخن بالكرم ذاع صيتـــه

فقد الملك والشيخ نسل الشياهيــــــن ** اللي يحل المشكله يانصيتـــــــــه

هو خادم البيتين هو خادم الديـــــــن ** مواقفه ماتنحصي لو حصيتــــــه

لو القضا تنفع معه دمعة العيـــــــن ** ويرجع لنا شيخ العرب من مبيتـه

لأقول ياواد الرمه واستمع زيـــــن ** والله لأسيّل سيل ماقد جريتـــــــه

بس القضا ينشاف لو هو بعَد حين ** اللي كتب رب الخلايق رضيتــــه

وختامها ردوا معي قولوا آميـــــن ** يالله عساه بجنة الخلد بيتـــــــــــه

وسلامتكم

الله يرحمه وسكنه فسيح جناته

صح لسانك يا بشير

فالملك فهد رحمه الله له الفضل بعد الله في نماء وتطور المملكة الحالي ، وإنتقالنا من شعب مستهلك إلى شعب منتج

والله يطول عمر ملكنا عبدالله ويحفظه لنا

مشكور أخوي أبو تركي على المرور والتعليق الرائع

لاهنت يالغالي

صراحة انا مالي بالشعر بس فعلا انك شاعر صح لسانك يابشير وعقبال العالمية

صح بدنك أخوي سامي

لاهنت يالغالي