مراحل نمو البنات

اولاً : مرحلة الولادة

البنت في بطن امها تسوي مشاكل وترفيس وتشويت وتتعفرط وتسوي حركات بهلوانية وبعدين تولدها امها

وهي تبكي >>>> وعلى فكرة صراخ البنت اذا انولدت يسمعه اللي بآخر الدنيا لسانها طويل من يوم تنولد

بعكس الولد اذا طلع من بطن امه يطلع باحترام ولطافة >>>>> ماشاء الله علينا

ثانيا : مرحلة الحبو

البنت اذا وصلت مرحلة الحبو لازم تكلبشها او تربط رجولها بسلاسل لان البنت اذا حبت حطت رجلها

ويالله عاد دورها تلاقيها يامتكرفسة مع الدرج والا غاطسة في البانيو الله يكرمكم والا شيافتن لها صرصور

وقاعدة تفحط وراه تلاحقه

ثالثا : مرحلة المشي

هذي اخطر مرحلة توصلها البنت وانصحكم ماتخلونها تدل مكان البقالة او محل الالعاب لان من هذه الاشياء

تبتدي البنت تحب الاسواق والله يعينك اذا ماسمعت نصيحتي ..

انت جرب وخلها تروح معك البقالة مرة وشف ايش راح تسوي لك اذا بغت تشتري حلاوة او لعبة وما رضيت

توديها >>>>>>> صدقني بتكرهك في حياتك

رابعاً : مرحلة دخول المدرسة

المرحلة هاذي خطيرة جداً >>> صحيح البنت تروح للمدرسة تتعلم القراءة والكتابة لكن بعد في اشياء

جانبية تتعلمها مع القراءة والكتابة طبعا انتوا راح تسألوني وشهي وكيف ..

رايح اقول لكم

البنت تروح للمدرسة ولازم انها تختلط مع بنات ثانيات وبعدها تجي البنت الثانية رابطة بكلة وردية

لازم البنت تقلد عليها وتزعجك الين تشتري لها مثل خويتها بالمدرسة .. يعني من هذي المرحلة تبدأ تقلدالبنــــات

خامسا : مرحلة البلوغ (أقول من منكم بلغ)

وفي هذي المرحلة تبدأ دلاخة البنت >>>>> مدري ليش اي بنت توصل لمرحلة المراهقة تصير دلخة

ومخها يصير ضعيف افهمكم كيف ...

البنت حساسة جدا في جسمها ومشاعرها .. يعني لو تدف بنت وطاحت وتكسرت حتت حتت حتت حتت

وايضا لو قلت لها كلمة اهانة ولو بسيطة او حتى مو قصدك تجرحها >>>> يعني انت تمزح

البنت ماعندها تفاهم على طول تزعل

حتى لو تمزح معها على المسنجر وتضحك على طول بدون سبب

اما الدلاخـــــــة >>>>>>> في انها تصدق اللي يمدحها ويتغزل فيها البنت تصدق على طول

سادسا : مرحلة العشرينات الشباب

المرحلة هذي مرحلة حلوة مرة للبنت لانها في المرحلة هذي تبدأ تعدل من اوضاعها وتصير راكدة وتبدأ

تعقل شوي شوي .... بس المشكلة ايش ؟؟؟

يعني تعرفون ان البنت في هذي المرحلة يكثرون خطابها يعني مضطرة انها تكشخ بكل عزومة او مناسبة

والام توديها معها لاي مكان تروح عشان تقول عندي بنت واللي يبي يخطب للولد ترى هذي بنتي

LOoOoOoOoOoOoOoOoOoL

وفي هذي المرحلة تطلع مواهب للبنت اللي تخيط واللي فنانة في تفريك الصحون والا محترفة في كنس البيت والا اختصاصها غسيل وكوي يعني مواهب حلوووووة

سابعا : مرحلة الزواج

وهذي المرحلة هي بداية تعاسة الرجل ماتجي المصايب للرجال الا في هذي المرحلة .. يدخل الرجّال البيت

وتستقبلة الحرمة بريحة بصل او ثوم وايديها فيها صابون توها طالعة من المطبخ والا تستقبله وهي تزاعق

عليه وتصفق بوجهه بذيك الورقة اللي مكتوبن فيها ( بصل وخيار وثوم وكوسا وباذنجان >>>>>> على

فكرة هذا كله تراه تمهيد وبعدها تكتب .. مجلة سيدتي .. خاتم ذهب .. شنطة جلد سحلية .. فستان طلبية

اغلى شيء وتغيير اثاث الغرفة .. واثاث جديد للصالة .. ولاتنسى تمر الصراف وتجيب لي 5000 باروح

السوق >>>>>>>> بعد كل هالطلبات وتروح السوق

ثامنا : مرحلة الامومة

في هذي المرحلة تبدأ المشاكل الكبيرة بين الحرمة وزوجها .. يعني الرجّال اللي عنده عيال كثير اقف له وقفة

احترام لانه صابر على زوجته وتلقى الرجّال في هذي المرحلة يحاول انه يهرب من البيت كثير لكن وين

ينحاش الحرمة وراه وراه والله ان تطلعه من تحت الارض وين مايروح تلاقيه .. اذا جلس الابو في البيت

تلاقي وجهه احمر من المنافخ على البزارين واذا طلع من البيت ينشرح صدره ويرتاح .. مثلاً الابو

يجلس مع حرمته ويجيك ولده الصغير ويلعب بالكورة عنده يرشمه على جبهته بالكورة وينسكب علية براد شاهي

والابو يعصب والام تقول معليش توه صغير خله >>>>> احر ماعنده ابرد ماعندها

واذا كان يبي يسولف معها يلاقيها متعلقة بسماعة التليفون ومعها كيس فصفص وتقشم على براطمها

وتملا الصالة قشور واذا خلصت الرجّال يبي يكلمها وتقولها بكنس الصالة .....

مع احترامي لكل فتاة
هذه مزحة فقط
ههههههههههههه

هههههههههههههههههههههههههههههههههه

لا ياشيخ كفيت ووفيت

وماخليت ولابقيت

اذا هذا مزح الله يستر من الجد

ههههههههههههههههههههههههههههههههه

ترانا حبوبات ومسالمات

هههههههههههههههههههههههههههه

أنا قايلكم لا تزعلووووووووووون

تراها مزحة

أهلا وسهلا فيك يا أروى منورة الصفحة

ههههههههههههههههههههههههههه

أنت شكلك مستعد لأي تكفيخ يجيك من الجنس الناعم هنا

لكن تراني مالي شغل

أنت تحمل نتيجة موضوعك

ههههههههههههههههههههه

يعطيك العافية

هههههههههههههههههههههههههههههههههههههههههههههه

والله شكلي يا بشير بسحب موضوعي

بس المشكلة

ما معي حبل

خخخخخخخخخخخخخخخخخ

شكرا لحضورك الموضوع

هههههههههههههههههههههههه

حلوه بس الله يعينك على التعاليق على هالموضوع وبالذات من عبير

شف الفرق بين الاولاد والبنات

يعطيك العافيه

ههههههههههههههههههههههههههههههه

شكله قرت الموضوع وهجت من يومين ما بينت

أهلا وسهلا فيك أخوي بندر

والله يعين على التكميخ

هذا وهي مزحة بعد :lol: