]قصيدة وردها

كتب أخي قصيدة في أحد المنتديات
ولم أكن أعلم بأنه هو ذلك العضو
وقد كتب في قصيدته استنجاد بأعضاء المنتدى
فما كان مني إلا الاستجابه والرد
وبعدها اتصل علي وعرفت أنه هو

<< رب صدفة خير من ألف ميعاد

اترككم مع القصيدين

وأتمنى ان تحوزا على رضاكم





قصيدة أخي

يامن سمعت الصوت جاوب وبسكات ** ‍جاوب على همس الشفايف سواتــــي
شفنـي تجرعـت المذلـه بونـــــــــات ** ‍كل(ن) سمعها والعزا بـه شماتــــــي
خذني على كف المحبـه ولا مـــات ** شوقي وشوقك واكتمـال امنياتــــــي
تعبت احاكي حب تاليـه حســـرات ** ‍ضيع مفاهيم(ن) بهـا عـز ذاتـــــــــي
القلب مايستحمـل اليـوم لوعـــــات ** ‍يكفيـه يكفيـه العـنـا ياحيـاتـــــــــــــي
اليوم اعـده والثوانـي بساعـــــات ** اذكـر ليالينـا واعـظ الشفـاتـــــــــــــي
هذا أنـا ماغبـت والعمـر مافـــات ** ‍ لا لا يغرك نظرتـي فـي سكاتــــــــي
شبت ضلوعي من تناهيت زفـرات ** ‍زفرات لجت فـي هـوى ذكرياتـــــــي
لجيت في موقع ....... الاصـوات ** ‍وابي صدى صوت(ن) هماجه فراتـي













(( ردي عليه ))

سمعت في موقع ....... صيحــــــــــــات ‍
ولبيت صوت اللي طلب للنجاتــــــــــــي

الصوت صوت اللي غرق وسط الآهـات ‍
غرقان في بحرن به الموج عاتـــــــــــي

صيحات مع ونات تسبق تنهّـــــــــــــات ‍
( تكفون شوفوا لي سبيل لحياتــــــــي )

قلت أبشر بعزك ترى العمر لحظــــات ‍
لو الضريبه في حياتك مماتـــــــــــــي

حاولت في شتى الطـرق والحيـــالات ‍
وضربت في عمق المحيط بعصاتــــي

ضاعت عصايه واختفت بالمحيطــات ‍
ولسان حالي قال: ويش السواتــــي؟؟

قلت العفو مالي جدا كود الأبيــــــات ‍
لنّي غريقن في محيط الهواتــــــــــي

الصوت ماتسمع منه كود نبــــــرات ‍
سبة حبيبن من صفاته: صفاتــــــــي

يالله تختمها لنا بالمســـــــــــــــــرات ‍
يالواحد اللي فارضن للصلاتــــــــي





وسلامتكم

صح بدنك أبو تركي

ولاهنت على هذا الإطراء العذب

دمت بود

فعلاً صدفة غريبة

(( وتخاطر أخوي ))

سامي جداً


صح لسانك أخوي بشير ،، وصح لسانك أخوك ،، والله لا يحرمكم من بعض

مـــلاك كتب:

فعلاً صدفة غريبة

(( وتخاطر أخوي ))

سامي جداً


صح لسانك أخوي بشير ،، وصح لسانك أخوك ،، والله لا يحرمكم من بعض

صح بدنك أختي ملاك

والله لايحرمنا من حضورك العذب

عبير كتب:

صح لسانك ولسان أخوك يا شاعرنا

وصح بدنك اختي عبير

وألف شكر لحضورك