مهداة لبنات حواء

العبا يه عولموها وانفثو فيها السموم

ـــــــــــــــــــــ من ملاهي الرقص جابوا فكر تخصير العباة

ظيقوا صدر العباة ووسعوا طرف الكموم

ــــــــــــــــــــ ونزلوها لين وصلت آخر أكتاف الفــــــــتاة

بانت نحور الصبايا وانكشف شكل الهدوم

ـــــــــــــــــــ والغبية تحسبنها زايده زين وحــــــــــــلاة

والبراقع دلعوها لين عام الخد عوم

ـــــــــــــــــــ لازم القرضه توسع والكحل يلقى الحــــياة

طوروا شكل النقاب وصارت الدعوه علوم

ـــــــــــــــــــ صار شفاف(ن)يوضح خدها ويا الشـــــــفاة

وآخر الصرعه لثام(ن)يفتن الرجل العزوم

ـــــــــــــــــــ والفتن قالوا ضلاله للقلوب المؤمنـــــــــات

وش علامك بنت حوى تستبيحين السلوم

ـــــــــــــــــــ أو مع خيلك ياشقراء بعضكم جنس البنـــات

قاهرتهم هالعبايه مايبون الستر دوم

ـــــــــــــــــــ جدهم علمان يعني لاصيام ولاصــــــــــــلاة

حطوا إن البنت سلعه وغلفوها بالهموم

ـــــــــــــــــــ وارفعوا شعار(ن) ينادي للحقوق الضايعــات

من ظلمها والبدو لاصاحت الحرمه تقوم

ــــــــــــــــــ قايمه تحت المعادي لجل عين الشامخــــــات

من ظلمها يوم قام المعتصم من عز نوم

ــــــــــــــــــ قال وين الكافر اللي يستبيح المسلمـــــات

ثم ذبح لجل شعرتها من العدو كثر النجوم

ـــــــــــــــــ قال هذا حق منهو يستذل الطـــــــــــاهرات

نكسوا ذاك الشعار ولملموا باقي السهوم

ـــــــــــــــــــ يكسر الخاطر سهمكم لاضرب في مدرعـــــــات

بيتكم لاصار مبني داخل البيت مهدوم

ــــــــــــــــــ وبيتنا صوم وصلاة وحج وأشهد والزكــــــــــاة

إتركيهم يابدويه وخلي اللايم يلوم

ـــــــــــــــــــ وسعي خصر العبايه واكرمي بالمكرمــــــات

وإن رفعتيها لراسك أصبح الراس محشوم

ـــــــــــــــــــ العبايه فوق راسك حشمه وطيب وثبـــــــات

وماعليك من اللئيمه تحاول تقلدك يوم

ـــــــــــــــــــ لبست البرقع ولكن حن عرق الماجـــــــدات

بحنكها ألفين دقه مدري ألف من الوشوم

ــــــــــــــــــ أو تراه ألفين هكري يكتبون الذكريــــــــــات

ولابغت تكتب قصيده قافها هو قاف يوم

ــــــــــــــــــ (يوم يابا)(يوم يابا)جاك عرق الراقصــــــــات

جت تقول إني بدويه قلت أنتي وجه بوم

ــــــــــــــــــ إعقبي منتي بدويه أنتي جزء من الحـــــصاة

يابدويه لايغرك بعض غربان(ن) تحوم

ــــــــــــــــــ أنتي فوق الكل أنتي فوق روس النايـــــــــفات

أنتي يوم الحرب دارت والمعارك (قوم)(قوم )

ــــــــــــــــــ عانقت عزوات أخوك صوت ضرب المرهفـــــــات

إن حدوا من بيننا أو طولوا حد العقوم

ــــــــــــــــــ يابدويه طبعي أرقى فوق كل الطايــــــــــــــلات

إحذري يابنت منهم طبعهم نفث السموم

ــــــــــــــــــ عولمتهم لو أعرفها طلع معنى الشـــــــــــتات

ظيقوا صدر العباة ووسعوا طرف الكموم

ــــــــــــــــــ وبيجي يوم(ن) نشوف شقوق في وسط العبــــاة


وسلامتكم

الـلــــــــــــه

إبداع في إبداع

مشكور أخوي أبو تركي

وصح لسانك

وإذا منقولة صح لسانك ولسان الشاعر

وفعلاً بعض البنات الحين لو ماتلبس عباة أستر لها من لبسها بالعباة

لاحول ولاقوة إلا بالله

روعة

اقتباس :

وش علامك بنت حوى تستبيحين السلوم

ـــــــــــــــــــ أو مع خيلك ياشقراء بعضكم جنس البنـــات

قاهرتهم هالعبايه مايبون الستر دوم

ـــــــــــــــــــ جدهم علمان يعني لاصيام ولاصــــــــــــلاة

حطوا إن البنت سلعه وغلفوها بالهموم

ـــــــــــــــــــ وارفعوا شعار(ن) ينادي للحقوق الضايعــات

فعلا وصف واقع للي حاصل

صح لسانك ابو تركي

شكرا لمرورك وتعليقك يا بشير

وصح بدنك مرتين وأكثر

والقصيدة غير منقولة

صح بدنك يالغالي ( عبدالإله )

شرفني والله مرورك وتعليقك ، وإجادتك للقصيدة هي بمثابة تاج على راسي

أشكرك من صماصيم وجداني ( يا فيض الإحاسيس )

صح بدنك مرة أخرى أخوي أبو تركي

والمعذرة يوم قلت ( إذا كانت القصيدة منقولة )

لأنك في موضوع سابق نقلت قصيدة ولم تشر أنها منقولة إلا بعد ردي عليك ب ( صح لسانك )

فرديت أنت أنها منقولة وليست لك

وقلت أن هذه قد تكون كتلك

صح بدنك مليوووووون

ولاهنت

لا هنت يا بشير

وصح بدنك ، عضو مميز ، ولك ذائقة شعرية غير مستغربة منك

آمل منك اتحفانا بقصائد من إبداعاتك

تقبل مروري وشكري العميق

يعطيك العافية على الاهداء ادم



مني خذوك



وننتظر ابداعك الق

مني خذوك كتب:

يعطيك العافية على الاهداء ادم



مني خذوك



وننتظر ابداعك الق

أهلا بك ،،، حواء ومساهمتك بالموضوع