~ oO المساجلة الشعرية Oo ~

حياك الله أخوي عبد الإله

وفكره جميلة

لكن هل تكون الأبات من إنشاء التضاريسي نفسه او تكون منقولة عادي ؟

وهذا رد على أبياتك بأبيات من إنشائي



حييت ياللي تشكي الحـــــــــال حييت ** وبعد التحية باتجه للنصيحه

مـن طاح في درب المحبة فهو ميت ** قانونها قتل البشـــر تستبيحه

هلابك بشرشر >> ادلعك

والله شوف من عندك او منقولة ماتفرق ياعسل

هي قست ولا نست ... ولا علاقتنا أنتهت
فهموني يالاجاويد ... مراكبنا على وين رست

عبدالإله أشكرك على تميز مواضيعك المطروحة وصح لسان على القصيدة

بشير ، صح لسانك ، أبياتك جميلة جدا

أرجوا الإستمرار والمشاركة من بقية الأعضاء في هذا الموضوع

واقبلوا مني هذه المشاركة التي لا ترتقي لما طرح من أبيات ولاكنها مشاركة أتمنى أن تحوز على إستحسانكم :

تمر الأيام يوم باثر يوم ____ انتظر صوت خل هجرني
اسهر ليالي أعد النجوم ____ طول هجره والله قتلني

كيبورديه سريعة

ملاحظة : من رأيي لو كانت الأبيات المطروحة من فيض أحاسيس العضو ( أفضل ) ، وإن لم يكن ذلك فالمرجو ذكر أسم الشاعر لتعم الفائدة

تقبلوا مروري

اقتباس :

ملاحظة : من رأيي لو كانت الأبيات المطروحة من فيض أحاسيس العضو ( أفضل ) ، وإن لم يكن ذلك فالمرجو ذكر أسم الشاعر لتعم الفائدة

اجل خذ من فيض احساسي >> وش عنده بدر الدخيل :lol:

على طاري بدر الدخيل >> البوص

بدون اي مجاملة شاعر بمعنى الكلمة وانا بالنسبة لي كقارئ اشوف اعمق انواع الوصف في الابيات الي يكتبها ماشاء الله عليه

الموهييم استلم

يامن سلكـ درب كلهـ مطبات ... تحمل ما يجيك من درب ( ن ) مشيتة
أنت اخترت بعد المسافـــات ... وبيجيلكـ يوم وبتقول ليت خلي ما وليتة

صح لساني >> لايكثر زي وجهك

صح لسانك يا عبد الإله ،

وأقولك لا يكثر ، قاعد تمدح المدير ، ندري أنه شاعر كبير ، بس مدير ، والمدير ما يمدح ، لأنها بتحسب على المادح نفاق .

أما بخصوص قصيدتك فأقولك :

والله ولا المستشفى الألماني يقدر يجبر كسر هالقصيدة فأتجه للتنس أحسلك .

ومن ناحية ثانية أقولك ، دام هالمنتدى منتدانا ، وأنت مدير فيه ، فاطرح يا بعدي اللي عندك ، مكسر ، منعوج ، اللي هو ، كل شي منك عسل يا عسل ، وبهالمناسبة أوجهلك هالبيتين :

هات القلم يا عبيد وعجّل ___ باكتب قصيدة لبو عيسى
ولا تدري جب المسجل ___ أبيه يسمع الوزن ويقيسه

وسلامتكم

اقتباس :

والله ولا المستشفى الألماني يقدر يجبر كسر هالقصيدة فأتجه للتنس أحسلك .

:D ههههههههههههههههههههه لووووووووووول

تتحدى كسرات خخخخخخخخخخخخ داري بدون ما تقول

هي عباطة هي لعانة سمها زي مـــا تبي ... أكسر أبيات والعب في حسبتها

ما نيب شاعر بالعكس في الشعر أنا غبي ... قاعد العب لعبها وخربتها

لووووووووول انواع التكسير

صح لسانك يا بو عيسى

أستلم يا بعدي :

انا وانت والليل والقمرا ____ تلاقينا بلا ميعاد وعادة
سمرتي معك ياهالسمرا ____ نستني صلاتي والعبادة

صحت السنتكم كلكم موضوع حلو ولا حلاه شي قد الزحف على البيبان
شكلكم تلعبون كرتي، أشوى اني ماني أبيات .. يعطيكم العافية

هذي جزاتي رحت عني وصديت ___ هذا الجزا شوهت رسم(ن) رسمناه
هذا وانا اللي لجل عينك تعنيت ___ تنكر وجودي وكل وقت(ن) قظيناه

صح لسانك يا أبو إبراهيم

أستلم يا بعدي

هلت العين الجريحة ___ سال دمعه يا فضيحة
بعد ماهي مستريحة ___ هملت دمعه سكايب

وسلامتكم

تجاوباً مع رأي أبو تركي حول المشاركة في هذا الموضوع

فأنا سأكتب هنا بكلمات من إنشائي في الغالب

وتكون أبيات يتيمه وليدة الرد << أي حديثة الكتابة

وإذا أتيت بأبيات من شعار آخرين فسأذكر ذلك بإذن الله




البوح سلبي .. مايجي إيجابي ** لازاد عن حد المباح لبوحه

ودي أقول الخل وش سوابي ** وأخاف يبلاني بزود جروحه

الأخ / بشير العنزي

أقدر لك مشاركتك ،،، ولكنك خالفت القاعدة الأساسية لهذا الموضوع ، وهي البدء بقصيدتك بآخر حرف توقف عنده المشارك ، لذا آمل منك تدارك ذلك لنستطيع الإكمال بعدك وهو حاليا حرف ( ب ) .

ولك الشكر الجزيل

عفواً أخوي أبو تركي

ولكن كلمة ( البوح ) تبدأ بحرف ( الباء )

لأن الهمزة في البداية هي همزة وصل وليست همزة قطع

وعادة إذا كانت بداية الكلمة مثل ( البوح - البرهان - الإختبار ....) وغيرها

إذا كانت البداية هك1ذا فلا يعتد ب( ال ) التعريف في بداية أحرف الكلمة ، بل يعتد في مابعد (ال) التعريف

وهذي عشان افتح الطريق وتبقى المناقشة غير عائقة للاستمرار


ببوح .. لو بوحي مهو إيجابي ** لازاد عن حد المباح لبوحه

ودي أقول الخل وش سوابي ** وأخاف يبلاني بزود جروحه

صح لسانك

اخوي بشير ،،، يا مرحبا بك مشارك متميز

اشكر لك توضيحك يا عزيزي ،،، وصلت المعلومة

ولا يهمك

هذاك أول تخطي واسامح ،،، يومني أغليك وادمح خطاياك
يومن حبـك بقلبــي جامـح ،،، افرح بقربك وطلـعة محيـاك

وسلامتكم
وليدة الساعة

صح لسانك

كانك تعايرني بقولة فقيره ... بقولك شي صعب ينقال

صحيح ان املاكك عددها كثيره ... وصحيح انك تلبس غتره وثوب وعقال

بقولك كلمة حتى لو هي كبيره ... عز الله غلطان من مسميك رجال

الشاعرة / ولع

ليت وإلا عل أو حتى عسى ** مــاتفيد القلب دام إنه غريـــــــــــــق


انـتـظـــاره بالصباح وبالمسا ** يشعـل الأشواااااااااق في قلبي حريق


إن بغيت أنساه قلبــي مانسى ** كيف ينسى صاحب الصوت الرقيق ؟؟

قل .. للذنـوب .. المغفـرهـ.. فلتـر .. أخطـاء ..
.. وأذا عمامكـ.. ( ذنب ) .. صل الـ.. خوالـكـ..
ورح قل .. لها .. حبكـ.. ترى غلطـة .. إمـلاء ..
.. ودمعكـ.. إذا .. دمعك. نزل .. ضم .. شالـكـ..
كبح / المشاعر .. واجـب .. وضعنـا / .. سـاء ..
.. يعنـي غلانـا .. ذنـب والذنـب .. طـالـكـ..
يا .. مجرمه .. من علمـكّـ.. فّـن .. الإغـواء ..
.. لين .. ( أرتكبتي ) .. و.. الضحيه .. جمالـكـ..

الشاعر / عبدالله العنزي

وسلامتكم

كل يوم اتذكرك يا الغــــالية ** وإن تذكـــرتك دموعي تنتثر

من كثر دمعي عيوني بالية ** ارفع الونـــــات واتبع للأثر