قصيدة اعجبتني

موضوع: قصيدة اعجبتني الإثنين مارس 17, 2008 4:12 pm

ساقت مشاوير الشقا وأردف الليل
سريت ودروب السهر سرمديه.
ازريت اسوق الهم وأحط واشيل
وتعبت اكابر والمواجع نديه.
الحيل مل من التعب مابقى حيل
والجفن ماله بالسهر مقدريه.
البهذله ... والمهزله ... والغرابيل
ابطال وسنين العمر مسرحيه.
الهم والحرمان والحزن والويل
ضيوف وجروح الوفا شاذليه.
والصمت والهوجاس بوح التعاليل
والخوف مسرى والليالي مطيه.
يالله عسى درب السنع بالمقابيل
وألا الليالي الي مضت جرهديه
حر(ن) كفخ واستاسرته المحابيل
وعقب السما الرحبه هوى للوطيه.
حر(ن) غدر فيه الزمن والمداخيل
مقرود وكفوف العطايا رديه.
غلطة عمر منها جنيت البهاذيل
ذنوب غيري حطها الله عليه.
غلطه ودحدرها القدر بالمحاصيل
ورضيت بالمقسوم غصب عليه.
تناقلتها شلة القال والقيل
وحطو عليها لين صارت قضيه.
وقامت تناهشني رخوم الرجاجيل
اهل الملامه والعلوم الرديه.
اللي تجيك أخبارهم بالتفاصيل
ويحرفون الهرج عن سوء نيه.
بالله قلي ياسود الوجه ياليل
وضح النواياكيف صارت خطيه.
قل لي من اللي ضلل الحق تضليل
ومن علم الوافي يخون بخويه.
ومن بروز الأوهام خدعه وتمثيل
ومن طلسم الواقع وخان الوصيه.
من قال لي دربك مهود وتساهيل
ومن علم الضحكات تمشي عليه.
من كفن دموع الوفا بالمناديل
ومن هو جزا الحسنه بمليون سيه.
اللي قتل حلم الضلوع المناحيل
وقال انقتل فيك العوض والبقيه.
جاوب سؤالي ياسود الوجه ياليل
وضح النوايا كيف صارت خطيه.

كلمات جميلة

تدل على روعة ناقلها

دمت بود

صح لسانك يا أبو فيصل

وصح لسان الشاعر

قصيدة جميلة رغم ما تحمله من أسى وحزن يروقني

[ندعوك للتسجيل في المنتدى أو التعريف بنفسك لمعاينة هذا الرابط]

الشكر كل الشكر لكم على تعليقاتكم الجميله

مشكور ابو فيصل

بس من رايي انك تشغل قريحتك مثل نسيبك نجم المنتدى

مشكورة تويكس
والله الشعر صعب وماهو كل واحد يقدر عليه لكن انا اتذوق الشعر استماعا وقراءه اما الكتابة فأخليها للمبدعين مثل نسيبي

صح لسانك ولسان الشاعر

سلمت لنا هذه الذائقة

ملاحظة **

القصيدة ماهي غريبة علي !!

أحس إني قاريها أو سامعها قبل كذا !!

على العموم يعطيك العافية ولاهنت

ان وصلتني من احد الاصدقاء على الايميل وحبيت امتعكم فيهالكن هي لمن والله ما اعلم
وشكرا لك اخ بشير على ردودك ومتابعتك الدائمه