خــــربشـــات قديمه كح

.. شــ [ندعوك للتسجيل في المنتدى أو التعريف بنفسك لمعاينة هذه الصورة] ـاب مغبر كح كح
إخبــأركـم حبـايب قلبي .. عسـأكـم طيبـون يـأإرب
[ندعوك للتسجيل في المنتدى أو التعريف بنفسك لمعاينة هذه الصورة]

.
.تصدقون لما خلصت كتابه الموضوع راجعته يمكن 100 مره علشان ما تبلشونى على البدليات ..
.طبعا هذى خربشات قديمه يعني تقريبا قبل 9 سنوات
<< ايام الثانويه
أكثر الأشياء اللي تضيق صدري و تجيب لي الغلقة و تخلي الدنيا مقفله معي
.. هي المقارنة بين مجتمعنا و مجتمع ثاني ..

من جد و الله يا جماعة !!
يعني لو أجلس أفكر في الفرق بينا و بين مجتمع ثاني و أنا مشغل أغنية . من بادي الوقت " .
كان يطق علينا ولد الجيران و يقول لنا ترى خزان الموية حقكم يهرب (( اقـول الله مـن خـفة الدم .. كمـل بس )) ..!
.
.
[ 1 ]

عندك مثلا نفسيات بعض الناس .. تدخل عليه تلقاه مكشر و نفسه في طرف خشمه .
تبادره بالسلام يا لله يرد عليك .. كنك تشحذه السلام ، زين بعد إذا ما قال الله يعطينا و يعطيك
أما إذا صار له عندك حاجة جاك فاكن كشرته من بعد كيلو
و يقعد يدعي لك بالخير ساعة .. يعني عالم مصلحجية إلى اللعلعة !!
.
.
.
[ 2 ]

تقعد مع أخوياك في البر إذا جا الربيع ، و تقعد على الثيل و أعصابك عال العال ..
وإذا شفت عصفور و قلت لهم ياسلاااام يازين منظر العصافير و السما الصافية فعلا تمازج رائع
قالو لك بلا هبال عطنا السكتون خل نرجده ..
و تلقاهم مطامر يوم كامل ورا عصفور كبر أصبعي الصغير و إذا حالفهم الحظ و صادوه
شبولك نار كبر بليس ثمن شووه .. ثمن يطبون عليه اثنعشر واحد << لغه عاميه لحد يدقق
و أخر شي إذا فصفصوا عظامه قالوا لك ياشين لحمته شيناه !!
.
.
.
[ 3 ]

تطلع من المسجد تلقا شايبين يبحلقون فيك و أنت ماشي ..
تمر من جنبهم وتسلم .. مايردون لك و يستمرون في البحلقة فيك .. تمشي و تخليهم
لكن واحد منهم يقول لك يا ولد .؟!
تقوله سم يا عم .. يقول مهوب أنت ولد فلان بن فلان .
تقوله لا .. يقولك إلا نفس الشكل .. تاخذه على قد عقله و تقوله طيب أنا ولده
ينقز لك الثاني و يقول بلا كذب فلان بن فلان ما يجيه عيال !!
.
.
.
[ 4 ]

تروح للسوق أنت و أمك .. تغفل عنها خمس دقايق ثمن ترجع لها
تلقا بزر ما تقدر تشوفه إلا بمكبر قاعدن يغازل أمك .. ودك تجلده
لكنك تخاف ينقطم و يتكسر في يدك
فتقوله عيب يا بابا اللي تسويه .. فيقولك : ألعب غيرها ، أنا حاجز البنت قبلك !!
تسطره و تلزقه في الجدار فيتأدب من ملاحق الحريم و يحول على ملاحق لبناني كبر أبوه !!!
.
.
.
[ 5 ]

ترجع لبيتكم في عز الليول تافلن العافية ، تدور الفراش دورة
تدخل غرفتك تلقى بزور أخوانك متسدحين على سريرك و نايمين
تجي تبي تنطلهم برا غرفتك .. تطلع لك أمك من بين الظلام و تقولك "
وجع ماعندك قلب ، خلهم ينامون في سريرك و أنا وين أنام فيه !!
تقول " هين أنت كبير رح نم في الملحق
تروح تنام في الملحق و ما يجي عقب ثلاث ساعات إلا و بزارين أختك يتناقزون فوق ظهرك
تقوم تجلدهم .. تطلع لك أمهم و تقول " هو وش فيك عليهم
تقولها ذبحوني ما خلوني أنام .. تقولك مالهم دخل المساكين أنا اللي قايلة
لهم يقومونك من النوم عشان توديني لبيتي !!
عاد وقتها ودك تجلد أمهم بكبرها !!
.
.
.
[ 6 ]

تفتح التلفزيون يطلع لك برنامج عن المدارس
و يقولك أن طلاب مدرسة في فرنسا تمكنوا من إعادة تركيب نواه
و طلاب في مدرسة كندية تمكنوا من استخلاص الكلور من ملح الطعام ..
و طلاب في مدرسة بلجيكية تمكنوا من تقييم مستوى التلوث في بروكسل
و طلعوا بنتايج قريبة من اللي توصلت لها وزارة البيئة عندهم ..
و عقبها أقعد أفكر يومنا في المدرسة وش أزين تجربة سويناها !؟!
و أطلع بنتيجة أننا ما سوينا إلا تجربة وحده وهي أن الموية في علبة زبادي إذا صبيتها في إناء مسطح تطلع نفس الحجم !!
و اللي قاهرني أننا يالله فهمنا ذا التجربة !!!
.
.

زائر

هههههههههههههههههههههههههههههههآآآآآآآآآآآآي

والله صآآآآآآآدقة تمآآآآآآآآآم 1000%

آيآم تمر بالجميع وبذآت المجتمع السعودي المتوآضع

ياحلوو حيآتنآ ونآسنآآ

يسلمووو حيآتي

ههههههههههههههههههههههههههههههههههههههههههه

خربشات في منتهى الجمال والواقعية

كثريلنا منها

الله يعطيك العافية ويسلم أيديك

تحياتي لك

الله الله الله الله الله الله
لايحرمني ريحة عطركم في صفحاتي
سموو الاميره
البرنس اسير
الله يحفظكم
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

هلا مرحبااا ملاكي
منووووووره يا الغاليه
[ندعوك للتسجيل في المنتدى أو التعريف بنفسك لمعاينة هذه الصورة]

خربشات جامدة